Gjesika Malaj është 16-vjeçarja shqiptare që u vetësakrifikua për t’i shpëtuar jetën mamasë së saj.
E reja u vra nga babai Taulant Malaj i cili gjithashtu vrau edhe italianin Massimo De Santis pasi e akuzonte për lidhje dashurie me gruan e tij Tefta.
16-vjeçarja Gjesika u bë “mburojë” për mamanë e saj që mbeti e plagosur dhe ndodhet në spital.
Mediat italiane raportojnë se 16-vjeçarja ishte në gjimnazin Fiani-Leccisotti në Torremaggiore. Ky institucion i bëri homazhe asaj me një mesazh prekës lamtumire, duke shprehur gjithë dhimbjen e një komuniteti të tërë ende në tronditje.
Gjesika nuk ishte thjesht një vajzë që donte të mbronte nënën e saj. Ajo ishte një vajzë e përkushtuar ndaj studimeve dhe shumë e lidhur me nënën e saj pasi kurrë nuk i kishte shkaktuar probleme.
Fqinjët e përshkruajnë Gjesikën si një vajzë punëtore dhe të buzëqeshur.
Një vajzë gjithmonë me buzëqeshje në buzë dhe shumë e lidhur me nënën.
Drejtoresha e gjimnazit Carmine Collina ka shkruar një mesazh ngushëllimi në emër të të gjithë institutit.
Instituti Fiani-Leccisotti shpreh dhimbje për lajmin e tmerrshëm të vrasjes së studentes Gjesika Malaj, një vajzë në shkollën dhe komunitetin tonë.
