Shoferi i autobusit humbi ndjenjat, 13-vjeçari u shpëton jetën 66 nxënësve të shkollës

Shkruar nga: A Shehaj | Publikuar më: 29.04.2023, 23:00

Gjashtëdhjetë e gjashtë nxënës të shkollës së Miçiganit janë të gjithë të sigurt falë një 13-vjeçari që drejtoi autobusin e shkollës pasi shoferi humbi ndjenjat.

13-vjeçari Dillon Reeves kaloi në timonin e shoferit pasi ai iu tha nxënësve se nuk po ndihej mirë.

Nxënësit po ktheheshin në shtëpi nga shkolla kur shoferi i autobusit papritur humbi ndjenjat. Videoja e incidentit, e publikuar të enjten, tregon drejtuesin e autobusit që dërgon mesazhe në radio se ai nuk ndihet mirë.

Menjëherë pas kësaj, shoferi humbet kontrollin e timonit, dhe nxënësit dëgjohen duke bërtitur ndërsa autobusi fillon të devijojë nga korsia e tij. Por 13-vjeçari Dillon kur pa shoferin në këtë gjendje ndaloi menjëherë autobusin dhe telefonoi linjën e urgjencës.

Pas këtij incidenti dhe shmangien e asaj që mund të kishte qenë një aksident shumë tragjik, 13-vjeçari konsiderohet hero në qytetin e tij.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit