Një qytetar na ka dërguar një mesazh denoncues, ku shpreh shqetësimin për një rrugë në Poçem të Mallakastrës. Sipas tij, rruga është harruar prej vitesh nga shteti, ndonëse në të ndodhin dhjetëra aksidente. Qytetari shkruan se dje rreth orës 19:00 ka ndodhur një aksident tjetër në këtë aks, teksa shton se është një rrugë e rrezikshme për të cilën askush nuk po merr masa. Sa i përket aksidentit, për të cilin qytetari thotë se viktima janë një çift turistësh, pritet një njoftim nga policia e shtetit për të mësuar mbi rrethanat e ngjarjes. Ndërkohë qytetari kërkon që për rrugën të merren masa që të mos rrezikohen më jetë.
Qytetari
Pershendetje dhe shum Respekte per punen e pa lodhur nga ju shqetesimi im dje ne oren 19 nje çift turistesh te huaj ishte viktima e radhes ne kete devijim i harruar nga shteti vrases prej vitesh jane me dhjetra aksidente po ne kete vend dhe askush nuk mer masa. Kjo ndodhet ne Pocem .ju lutem bejeni problem se shpetoni jete. Besoj kini kaluar eshte nje devijim i forte dhe i pa dukshem naten.