Shqipëria prej më shumë se një viti po kalon një moment negativ. Rezultatet nuk po vijnë dhe kjo u reflektua me ndryshimin në stolin e kuqezinjve, ku në krye tashmë është braziliani Sylvinho.
Gjithsesi, as me ardhjen e këtij të fundit fitorja nuk ka ardhur dhe Shqipëria vijon ta shohë veten poshtë në renditjen botërore të Kombëtareve ne skemën e pikëve të FIFA-s.
Humbja përballë Polonisë, por dhe ndeshjet e para të zhvilluara në kualifikueset e “Euro2024”, i kanë kushtuar Shqipërisë dy pozicione në renditjen mujore të publikuar nga FIFA.
Me 1344 pikë në total, kuqezinjtë e Sylvinho-s pozicionohen në vendin e 68-të. Ndërkohë rivalët tanë në Grupin E, Polonia renditet në vendin e 23-të, ndërsa Republika Çeke e 38-ta.
Në vend numëro qëndron Kosova në këtë renditje të FIFA, me dardanët që pozicionohen në vendin e 107. Për herë të parë pas 6 vitesh, Argjentina renditet në vendin e parë në klasifikimin mujor të FIFA-s. Në vendin e dytë pozicionohet Franca e ndjekur nga Brazili, Belgjika dhe Anglia.