Influencuesi Andrew Tate thotë se gratë xheloze janë fajtore për arrestimin e tij pasi sipas tij ato përdorin sistemin ligjor për të 'ndëshkuar burrat'
Në një dokument ligjor Tate pretendon se 'gratë xheloze që nuk dinë asgjë' kanë ideuar arrestimin e tij pasi ato përdorin sistemin gjyqësor për të 'ndëshkuar burrat'.
Tate, 36 vjeç, dhe vëllai i tij Tristan Tate, 34 vjeç, së bashku me dy bashkëpunëtoret e dyshuara femra, Luana Radu, 32 vjeç dhe Georgina Naghel, 28 vjeç, u liruan nga burgu të premten. Ata u arrestuan në fillim të dhjetorit pasi u akuzuan për formimin e një grupi krimi të organizuar për të shfrytëzuar femrat.
Tate tha në deklaratën e tij në polici se:
Gratë e kuptojnë se si të përdorin sistemin gjyqësor për të ndëshkuar burrat. Mendoj se këto deklarata kundër meje i japin ato gra xheloze që nuk dinë asgjë dhe thjesht më kërkojnë para për të bërë pazare.
Duke folur pas lirimit të tij, Tate tha:
Më në fund, jam i lirë. Respekt gjykatësve që na dëgjuan dhe na lanë të lirë. Unë besoj te e vërteta, besoj te Zoti dhe besoj se drejtësia do të vihet në vend. Nuk ka fare shans që të shpallem fajtor për diçka që nuk e kam bërë.
