60-vjeçari Pal Kola që u vra mbrëmjen e kaluar në vendin e punës kishte mbi 20 vite që ishte larguar nga Puka për një jetë të mirë, por që s’ia doli dot.
Kola kishte 6 muaj që kishte filluar punë si roje sigurie te Top Channel pasi duhet të ruante bashkëshorten, dy vajzat dhe nipin e mitur, ndërkohë që djalin e kishte në Itali.
Mbrëmjen e kaluar 60-vjeçari u vra në kabinën e punës ku punonte çdo ditë të vitit, madje edhe në rast festash.
Fqinjët e përshkruajnë Palin si një njeri punëtor, të urtë dhe që gjatë gjithë ditës punonte në bahçen e tij para se të merrte turnin e rojes te Top Channel.
Familjarët kanë hapur dyert e mortit ndërsa situata ekonomike për ta pritet të jetë akoma më e rëndë pas vdekjes së kryefamiljarit.
