Mason Greenwood do të martohet së shpejti me vajzën, që e akuzoi për përdhunim. Ky është lajmi që njofton The Sun, një media e specializuar për të tilla prapaskena. Harriet Robson dhe sulmuesi i Manchester United presin një fëmijë së bashku.
Në shkurt, prokuroria tërhoqi të gjitha akuzat kundër Greenwood për sulm ndaj partneres së tij, e cila e akuzoi dhe i shkaktoi me të vërtetë shumë telashe, duke rrezikuar edhe karrierën. Kjo e fundit pretendonte se ishte përdhunuar, rrahur dhe i ishte ushtruar presion psikologjik nga i dashuri i saj.
Si pasojë, Greenwood u arrestua dhe më pas iu caktua masa e arrestit të shtëpisë. Pas një viti duket se tashmë çifti ka kapërdirë çdo problem dhe raportohet 21-vjeçari është gati t’i propozojë për martesë, para se të bëhet baba.
