Pak ditë më parë në Patra, Greqi humbi jetën në një aksident rrugor 25-vjeçari shqiptar Denis Gjura.
I riu, kampion atletike ishte duke udhëtuar me makinë kur humbi kontrollin dhe u përplas me trafikndarëset.
Hetuesit kanë zbuluar se në momentin e aksidentit 25-vjeçari nuk ka qenë i lidhur me rripin e sigurimit. Ndërkohë që pas aksidentit gomat e makinës që drejtohej nga 25-vjeçari Denis rezultuan në gjendje të mirë.
Ndarja e parakohshme nga jeta e Denisit ka tronditur familjen e tij, miqtë, kolegët dhe zyrtarët e sportit. Të gjithë ata që e njihnin veçojnë te Denisi moralin, modestinë dhe punën e palodhur që e karakterizonte.
Denisi u detyrua të largohej herët nga kampionati i atletikës, në moshën 23-vjeçare, për të punuar për të mbajtur financiarisht veten dhe familjen.
Denis Gjura kishte fituar gjashtë medalje në kampionatin Panhelen. Bronzi në të rinjtë 10,000 m dhe argjendi në të rinjtë 5,000 m në 2016. Ari në të rinjtë 10,000 m, argjendi në të rinjtë 5,000 m dhe bronzi në 10,000 m për të rinjtë në 2017.
I riu shqiptar do të varroset ditën e nesërme në Shqipëri.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
Heroit të Muajit
KLIKO PËR TË VOTUAR
Shqiptari në Gjermani
Shqiptari në Gjermani, i cli gjeti në rrugë një portofol dhe vendosi që atë t;ia kthejë të zotit, një shtetas gjerman. Ai filmoi veten e tij me kamerën e makinës gjatë kohës që gjente shtëpinë e shtetasit gjerman. Fatmirësisht e gjeti dhe ia dorëzoi portofolin. Shtetasi gjerman e falënderoi shumë dhe e ‘shpërbleu’ atë me 20 euro.
Sara nga Tirana
Kandidatja e dytë është Sara nga Tirana, e cila, nuk zgjidhi të dhurojë para apo rroba për të prekurit nga tërmeti në Turqi dhe Siri, por shprehu gatishmërinë e saj për të birësuar një fëmijë, që ka humbur familjen në rrënojat e asaj lëkundjeje të madhe. Ajo tha për JOQ se po pret momentin kur ta njoftojnë se mund të birësojë një fëmijë në Turqi apo Siri.
Deoni
I treti është Deoni i vogël nga Kukësi, i cili na tregoi se nuk ka rëndësi mosha për të pasur një zemër të madhe. Ai dhuroi arkën e tij të kursimeve për të prekurit nga tërmeti në Turqi dhe Siri. Ndoshta ato pak të holla të tij nuk janë asgjë, por mesazhi i tij është shumë më i madh.
Shoferi i kamionit
I katërti është shqiptari, shofer kamioni, i cili u nis nga Shkupi më qindra ndihma për të prekurit nga tërmeti në Turqi. Vetëm dy ditë pas tërmetit, ai mblodhi ndihma dhe u nis i vetëm drejt qytetit të shkatërruar nga lëkundjet sizmike.
Babë e bir nga Kukësi
Në vendin e pestë, janë babë e bir nga Kukësi. Afrim Cenaj(babai) dërgoi në redaksinë e JOQ Albania foton kur i puthte duart djalit të tij për të mos u larguar nga Shqipëria. Afrimi është pjesë e listës së heronjve për drymën që i jep djalit të tij që të kontribuojë në vendin e tij, ndërsa i biri është në listë sepse, pavarësisht situatës së vështirë në Shqipëri, po merr zanatin e babait dhe ka premtuar se do punojë për Shqipërinë.
