Ndonëse ankesat vërshojnë në Komisionin e Prokurimeve Publike, kreu i KQZ Ilirjan Celibashi, vazhdon të zhvillojë tenderë të shtrenjtë me oligarkët e prokurimeve. Gjatë muajit shkur, dhjetëra denoncime janë bërë për tenderët në shkelje të ligjit që zhvillon Komisioni Qendror i Zgjedhjeve. Konkretisht nga fundi i janarit deri në 10 shkurt janë bërë 8 ankesa në KPP, kryesisht për tenderët me objekt: “Blerje kuti votimi dhe kuti materiale zgjedhore, “Blerje kuti votimi dhe kuti materiale zgjedhore, si dhe “Blerje bexhe plastike (mbajtëse ID) dhe rripa për bexhet, për administratën zgjedhore”.
Pa mbajtur asnjë përgjegjësi për këto ankesa, Celibashi vazhdon të nënshkruaj kontrata të tjera, të cilat gjithashtu janë në shkele të ligjit.
Tenderi më i fundit i riregjistruar në APP ka si objekt “Infrastruktura Tik e Institucionit”, për të cilin fondi i vënë në dispozicion kap vlerën 558 milionë lekë të reja pa TVSH dhe rreth 650 milionë lekë të reja me TVSH.
Këto para që i nxjerrë Celibashi pa u menduar dy herë shkojnë në arkën e firmës “S&T Albania” Sh.p.k, me pronar Kleanthi Prifti. Në dokumente nuk raportohet që në garë të ketë marrë pjesë ndonjë firmë tjetër dhe të jetë skualifikuar.
Çka do të thotë se tenderi është zhvilluar në mungesë të konkurrencës dhe i është falur kështu Klenathi Priftit. Duke shkelur rregullin kryesor të ligjit për prokurimet publike.
Ndërkohë, në dokument shohim se projekti ështëzhvilluar përmes procedurës me negocim. Pra fituesi ishte përcaktuar. Ndonëse, ligji shqiptar nuk mbështet zhvillimin e tenderëve përmes këtyre procedurave, pasi cenojnë tregun dhe konkurrencën e lirë.
Ndërsa firma “S&T Albania” është e njohur për përfitimin e tenderëve nga institucione të rëndësishme, të cilat i japin hapësirë në ndërhyrjen e sistemeve. Në vitin ë lamë pas kjo firmë mori 4 miliardë lekë tender për të përmirësuar sistemin që gjobit qytetarët. Dhe këtë kontratë e përfitoi në shkelje të ligjit. Siç e shohim Celibashi e ka zgjidhur qesen për zgjedhje dhe nuk di të ndalet.