Pasditen e djeshme rreth orës 17:30, 20-vjeçari Klevis Ruçaj duke drejtuar automjetin tip "Audi A8" u përfshi në një aksident ku humbi jetën vetë dhe dy vajzat që e shoqëronin.
I riu dyshohet se ishte me shpejtësi mbi 260 km/h në momentin kur çau barrierat mbrojtëse të rrethrrotullimit të Saukut dhe "fluturoi" në korsinë tjetër të rrugës. Ekspertët nuk kanë konstatuar asnjë shenjë frenimi në momentin e aksidentit të rëndë. Makina e të riut ka rënë mbi kofanon e një automjeti tjetër duke plagosur 3 persona.
Sot në vendngjarje kanë mbetur vetëm barrierat metalike të cilat janë shkulur nga betoni dhe disa pjesë të automjetit tip "Audi A8".
Ende nuk dihet nëse në momentin e aksidentit tragjik, 20-vjeçari ka qenë nën efektin e alkoolit apo lëndëve narkotike. Një zbulim i tillë do të zbardhë më pas edhe rrethanat e aksidentit i cili mund të kishte pasoja edhe më tragjike.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
Heroit të Muajit
KLIKO PËR TË VOTUAR
Shqiptari në Gjermani
Shqiptari në Gjermani, i cli gjeti në rrugë një portofol dhe vendosi që atë t;ia kthejë të zotit, një shtetas gjerman. Ai filmoi veten e tij me kamerën e makinës gjatë kohës që gjente shtëpinë e shtetasit gjerman. Fatmirësisht e gjeti dhe ia dorëzoi portofolin. Shtetasi gjerman e falënderoi shumë dhe e ‘shpërbleu’ atë me 20 euro.
Sara nga Tirana
Kandidatja e dytë është Sara nga Tirana, e cila, nuk zgjidhi të dhurojë para apo rroba për të prekurit nga tërmeti në Turqi dhe Siri, por shprehu gatishmërinë e saj për të birësuar një fëmijë, që ka humbur familjen në rrënojat e asaj lëkundjeje të madhe. Ajo tha për JOQ se po pret momentin kur ta njoftojnë se mund të birësojë një fëmijë në Turqi apo Siri.
Deoni
I treti është Deoni i vogël nga Kukësi, i cili na tregoi se nuk ka rëndësi mosha për të pasur një zemër të madhe. Ai dhuroi arkën e tij të kursimeve për të prekurit nga tërmeti në Turqi dhe Siri. Ndoshta ato pak të holla të tij nuk janë asgjë, por mesazhi i tij është shumë më i madh.
Shoferi i kamionit
I katërti është shqiptari, shofer kamioni, i cili u nis nga Shkupi më qindra ndihma për të prekurit nga tërmeti në Turqi. Vetëm dy ditë pas tërmetit, ai mblodhi ndihma dhe u nis i vetëm drejt qytetit të shkatërruar nga lëkundjet sizmike.
Babë e bir nga Kukësi
Në vendin e pestë, janë babë e bir nga Kukësi. Afrim Cenaj(babai) dërgoi në redaksinë e JOQ Albania foton kur i puthte duart djalit të tij për të mos u larguar nga Shqipëria. Afrimi është pjesë e listës së heronjve për drymën që i jep djalit të tij që të kontribuojë në vendin e tij, ndërsa i biri është në listë sepse, pavarësisht situatës së vështirë në Shqipëri, po merr zanatin e babait dhe ka premtuar se do punojë për Shqipërinë.