Elena(Alketa) Hysa dhe nëna e saj Kujtime Hysa, që u plagosën një javë më parë nga Dan Hutra, tani janë në gjendje më të mirë shëndetësore. Nga reanimacioni, tani Elena Hysa është transferuar në repartin e rregullt ku po trajtohet përkrah nënës së saj. Ato pritet të flasin së shpejti para grupit hetimor për të dhënë shpjegime rreth ngjarjes së rëndë.
Elena Hysa ka qenë në gjendje më të rëndë shëndetësore, pasi ka pësuar plagë të shumta me thikë dhe një plagë me armë zjarri. Ndërkohë që nëna e saj ka marrë lëndime në anën e majtë të trupit, të cilat fatmirësisht nuk i kanë prekur organet vitale.
Me urdhër të Prokurorisë së Tiranës, përveç familjarëve, askush tjetër nuk lejohet të takojë dy të plagosurat. Ato ende nuk janë në dijeni se vajza e shtëpisë, Mevlutja dhe nusja e re Hasime Dafku kanë humbur jetën.
Në dëshminë e saj paraprake, Kujtime Hysa ka treguar se ditën e 1 Marsit, ish-dhëndri Dan Hutra pasi kishte zbritur nga makina, kishte tentuar të hap zjarr me armë. Sipas saj, Dan Hutra nuk ka folur asnjë fjalë. Ajo thotë se është përleshur me ish-dhëndrin dhe aty ka ndërhyrë edhe e bija Elena. Më tej ajo nuk mban më mend se çfarë ka ndodhur.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
Heroit të Muajit
KLIKO PËR TË VOTUAR
Shqiptari në Gjermani
Shqiptari në Gjermani, i cli gjeti në rrugë një portofol dhe vendosi që atë t;ia kthejë të zotit, një shtetas gjerman. Ai filmoi veten e tij me kamerën e makinës gjatë kohës që gjente shtëpinë e shtetasit gjerman. Fatmirësisht e gjeti dhe ia dorëzoi portofolin. Shtetasi gjerman e falënderoi shumë dhe e ‘shpërbleu’ atë me 20 euro.
Sara nga Tirana
Kandidatja e dytë është Sara nga Tirana, e cila, nuk zgjidhi të dhurojë para apo rroba për të prekurit nga tërmeti në Turqi dhe Siri, por shprehu gatishmërinë e saj për të birësuar një fëmijë, që ka humbur familjen në rrënojat e asaj lëkundjeje të madhe. Ajo tha për JOQ se po pret momentin kur ta njoftojnë se mund të birësojë një fëmijë në Turqi apo Siri.
Deoni
I treti është Deoni i vogël nga Kukësi, i cili na tregoi se nuk ka rëndësi mosha për të pasur një zemër të madhe. Ai dhuroi arkën e tij të kursimeve për të prekurit nga tërmeti në Turqi dhe Siri. Ndoshta ato pak të holla të tij nuk janë asgjë, por mesazhi i tij është shumë më i madh.
Shoferi i kamionit
I katërti është shqiptari, shofer kamioni, i cili u nis nga Shkupi më qindra ndihma për të prekurit nga tërmeti në Turqi. Vetëm dy ditë pas tërmetit, ai mblodhi ndihma dhe u nis i vetëm drejt qytetit të shkatërruar nga lëkundjet sizmike.
Babë e bir nga Kukësi
Në vendin e pestë, janë babë e bir nga Kukësi. Afrim Cenaj(babai) dërgoi në redaksinë e JOQ Albania foton kur i puthte duart djalit të tij për të mos u larguar nga Shqipëria. Afrimi është pjesë e listës së heronjve për drymën që i jep djalit të tij që të kontribuojë në vendin e tij, ndërsa i biri është në listë sepse, pavarësisht situatës së vështirë në Shqipëri, po merr zanatin e babait dhe ka premtuar se do punojë për Shqipërinë.
