Për shkak të situatës politike e ekonomike, çdo ditë e më shumë me qindra-mijëra shqiptarë po largohen nga vendi ynë. Shpopullimi është kthyer në një fenomen shqetësues pasi shifrat janë paksa të frikshme.
Ky emigrim masiv i shqiptarëve është bërë shkak që sektorë të ndryshëm të ekonomisë të përballen me mungesën e forcës punëtore.
Edhe ndërtimi, një ndër sektorët kryesorë të ekonomisë, është prekur nga mungesa e shqiptarëve dhe zgjidhja e vetme janë shtetasit e huaj nga Azia dhe Afrika.
Gurshern Sin është një 25-vjeçar i cili ka ardhur nga India për të punuar në Shqipëri. Ai prej gjashtë mujash punon në Shqipëri.
Familja ime jeton në Indi, unë punoj këtu për një të ardhme më të mirë. Shqipëria është një vend në zhvillim dhe jep mundësi punësimi edhe për vende të tjera. E vlerësoj shumë Shqipërinë dhe po ashtu njerëzit, janë shumë të sjellshëm.
Por ai nuk është indiani i vetëm që punon në Shqipëri. Bashkatdhetari i tij, Pradeep Kumar thotë:
India është një vend me shumë popullsi dhe është vështirë të gjesh punë, kështu që erdhëm këtu për të fituar para.
Përfaqësuesit e Shoqatave të Ndërtuesve thonë se për sa kohë ndërtimet po shtohen, boshllëqet e fuqisë punëtore bëhen edhe më të dukshme. Sipas tyre tani ka mungesa të shumta për hidraulikë, për elektricistë dhe shtrues pllakash.
Nëse shpopullimi vazhdon me këto ritme, vendi ynë do të mbetet në duart e indianëve, pakistanezëve e afrikanëve.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
Heroit të Muajit
KLIKO PËR TË VOTUAR
Shqiptari në Gjermani
Shqiptari në Gjermani, i cli gjeti në rrugë një portofol dhe vendosi që atë t;ia kthejë të zotit, një shtetas gjerman. Ai filmoi veten e tij me kamerën e makinës gjatë kohës që gjente shtëpinë e shtetasit gjerman. Fatmirësisht e gjeti dhe ia dorëzoi portofolin. Shtetasi gjerman e falënderoi shumë dhe e ‘shpërbleu’ atë me 20 euro.
Sara nga Tirana
Kandidatja e dytë është Sara nga Tirana, e cila, nuk zgjidhi të dhurojë para apo rroba për të prekurit nga tërmeti në Turqi dhe Siri, por shprehu gatishmërinë e saj për të birësuar një fëmijë, që ka humbur familjen në rrënojat e asaj lëkundjeje të madhe. Ajo tha për JOQ se po pret momentin kur ta njoftojnë se mund të birësojë një fëmijë në Turqi apo Siri.
Deoni
I treti është Deoni i vogël nga Kukësi, i cili na tregoi se nuk ka rëndësi mosha për të pasur një zemër të madhe. Ai dhuroi arkën e tij të kursimeve për të prekurit nga tërmeti në Turqi dhe Siri. Ndoshta ato pak të holla të tij nuk janë asgjë, por mesazhi i tij është shumë më i madh.
Shoferi i kamionit
I katërti është shqiptari, shofer kamioni, i cili u nis nga Shkupi më qindra ndihma për të prekurit nga tërmeti në Turqi. Vetëm dy ditë pas tërmetit, ai mblodhi ndihma dhe u nis i vetëm drejt qytetit të shkatërruar nga lëkundjet sizmike.
Babë e bir nga Kukësi
Në vendin e pestë, janë babë e bir nga Kukësi. Afrim Cenaj(babai) dërgoi në redaksinë e JOQ Albania foton kur i puthte duart djalit të tij për të mos u larguar nga Shqipëria. Afrimi është pjesë e listës së heronjve për drymën që i jep djalit të tij që të kontribuojë në vendin e tij, ndërsa i biri është në listë sepse, pavarësisht situatës së vështirë në Shqipëri, po merr zanatin e babait dhe ka premtuar se do punojë për Shqipërinë.
