Pak para mesnatës së të martës në Greqi, dy trena u përplasën me njëri-tjetrin duke shkaktuar vdekjen e 57 personave, 56 të zhdukurve dhe 48 të plagosurve. Treni me 350 pasagjerë që po udhëtonte nga Athina drejt Selanikut u përplas me një tren mallrash.
Shkak i tragjedisë dyshohet se është bërë prerja e një kabulli elektrik në njërën prej vagonët të trenit me pasagjerë që në momentin e përplasjes ka rezultuar fatal. Ndërkohë e gjithë Greqia është në zi në nder të viktimave.
Lidhur me ngjarjen ka ardhur një reagim edhe nga unioni i gazetarëve grekë ESIEA. Në deklaratën e publikuar gazetarët kanë deklaruar se një pjesë të përgjegjësisë së aksidentit e kanë ata, pasi nuk i kanë kushtuar rëndësi sistemit hekurudhor në vend.
"Gazetarët e Athinës marrin pjesë, si i gjithë vendi, në zinë e rëndë për njerëzit tanë që humbën padrejtësisht dhe ngushëllojnë dhimbjen e familjeve dhe njerëzve të tyre. Tragjedia në Tempi nxjerr në pah, në mënyrën më të dhimbshme këtë herë, problemet strukturore që mundojnë mediat greke. Paralajmërimet e punonjësve të hekurudhave nuk morën mbulim në përpjesëtim me seriozitetin e çështjes dhe raportimet e pakta, por ekzistuese të gazetarëve, mediave dhe grupeve të gazetarisë hulumtuese nuk u riprodhuan.
Për sa kohë që mediat hiqen nga misioni i tyre për të kontrolluar pushtetin, për sa kohë që prioritet i lajmeve janë kritere që nuk kanë lidhje me mbrojtjen e interesit publik, për sa kohë që kompanitë mediatike kufizohen të veprojnë thjesht si biznese dhe në aspektin e vlerësimet dhe trafiku televiziv, për sa kohë gazetarët janë të kufizuar në investigim, garancitë institucionale për funksionimin e shtetit do të dobësohen.
Riprodhimi steril pa letër, edhe në këto orë tragjike, nga një pjesë e faqeve të lajmeve, është një shembull tjetër i deformimit gazetaresk. Industria e gazetarisë merr pjesën e saj të përgjegjësisë. Bordet drejtuese të ESIEA dhe ESPET e konsiderojnë veten se po interpretojnë vullnetin e gazetarëve, duke marrë përsipër angazhimin se shkaqet dhe përgjegjësitë e këtij tmerri të pa treguar do të hetohen në thellësi, me qetësi, profesionalizëm dhe dokumentacion. Ashtu siç ndodh këto orë nga shumica e kolegëve, sidomos të gjithë atyre që janë në “vijë të parë”, pa gjumë, në kushte dramatike", thuhet në deklaratën e gazetarëve.