Ashtu siç pritej, koeficienti i pagave për mësimdhënësit ka shënuar rritje.
Rrahman Jashari, kryetar i SBASHK-ut, ka deklaruar për IndeksOnline se akoma nuk ka marr raportet zyrtare, megjithatë nga burime jozyrtare i është bërë ditur që pagat janë rritur deri në 100 euro.
‘’Unë jam në përpjekje edhe pse i pata dy telefonata, por jo zyrtare, por jam në pritje të më lajmëroj dikush nga niveli komunal, sipas atyre dy telefonatave pagat kanë dal sipas ligjit të ri dhe hetohet një rritje diku nga ajo që edhe ne e kemi thënë në media, diku 100 euro’’, tha ai.
Më tutje ai beson se nuk do të ketë dallime sipas nivelit të klasave 1-5,6-9, por rritjet do të jenë të barabarta.
‘’Ajo që besoj që do të ndodhë është se nuk do të ketë dallim si dikur ajo tendenca 1-5,6-9, do të jenë të barabartë. Po presim që mësimdhënësit t’i marrin pagat dhe të marrim informata nga terreni, ekspertët do të bëjnë një analizë dhe pastaj do ta dimë saktë’’, deklaroi Jashari.
Interesimi sipas Jasharit është tek çerdhet dhe punëtoret tekniko-ndihmës, pasi që atje pagat kanë qenë më të vogla.
‘’Të interesuar jemi të marrim lajme nga çerdhet, pasi që sipas koeficientit të ri presim që atje të ketë lëvizje më të dukshme, ngase nuk kanë qenë edhe aq mirë me paga dhe presim të ketë lëvizje pozitive të dukshme edhe tek punëtorët tekniko-ndihmës’’.
Jashari tregon se nëse kjo rritje është zyrtare, është ashtu siç ata e kishin planifikuar.
‘’Ndërsa tek niveli arsimorë të jenë ashtu siç e kemi planifikuar para se të funksionalizohet ligji, diku afro 100 apo më shumë varësisht nga përvoja e punës.
Nga informatat deri tani pagat kanë dal me rritje sipas ligjit të ri në të gjitha sektorët, sa është ngritja, nuk mund të flas tani pa e bërë analizën ekspertët e fushës’’, tha Jashari.
Me 63 vota për, Kuvendi i Kosovës miratoi muajin e kaluar projektligjin për ndryshimin dhe plotësimin e Ligjit mbi ndarjet buxhetore për buxhetin e Kosovës për vitin 2023.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
Heroit të Muajit
KLIKO PËR TË VOTUAR
Shqiptari në Gjermani
Shqiptari në Gjermani, i cli gjeti në rrugë një portofol dhe vendosi që atë t;ia kthejë të zotit, një shtetas gjerman. Ai filmoi veten e tij me kamerën e makinës gjatë kohës që gjente shtëpinë e shtetasit gjerman. Fatmirësisht e gjeti dhe ia dorëzoi portofolin. Shtetasi gjerman e falënderoi shumë dhe e ‘shpërbleu’ atë me 20 euro.
Sara nga Tirana
Kandidatja e dytë është Sara nga Tirana, e cila, nuk zgjidhi të dhurojë para apo rroba për të prekurit nga tërmeti në Turqi dhe Siri, por shprehu gatishmërinë e saj për të birësuar një fëmijë, që ka humbur familjen në rrënojat e asaj lëkundjeje të madhe. Ajo tha për JOQ se po pret momentin kur ta njoftojnë se mund të birësojë një fëmijë në Turqi apo Siri.
Deoni
I treti është Deoni i vogël nga Kukësi, i cili na tregoi se nuk ka rëndësi mosha për të pasur një zemër të madhe. Ai dhuroi arkën e tij të kursimeve për të prekurit nga tërmeti në Turqi dhe Siri. Ndoshta ato pak të holla të tij nuk janë asgjë, por mesazhi i tij është shumë më i madh.
Shoferi i kamionit
I katërti është shqiptari, shofer kamioni, i cili u nis nga Shkupi më qindra ndihma për të prekurit nga tërmeti në Turqi. Vetëm dy ditë pas tërmetit, ai mblodhi ndihma dhe u nis i vetëm drejt qytetit të shkatërruar nga lëkundjet sizmike.
Babë e bir nga Kukësi
Në vendin e pestë, janë babë e bir nga Kukësi. Afrim Cenaj(babai) dërgoi në redaksinë e JOQ Albania foton kur i puthte duart djalit të tij për të mos u larguar nga Shqipëria. Afrimi është pjesë e listës së heronjve për drymën që i jep djalit të tij që të kontribuojë në vendin e tij, ndërsa i biri është në listë sepse, pavarësisht situatës së vështirë në Shqipëri, po merr zanatin e babait dhe ka premtuar se do punojë për Shqipërinë.
