“Fatmirësisht nuk pati pasoja në jetë njerëzish”-ishte reagimi i Veliajt për aksidentin e rëndë ndodhur dje tek “Shallvaret” ku një autobus i linjës së Unazës mori para një varg makinash duke rrezikuar seriozisht jetën e një kalimtareje.
Nga pamjet e videove që kanë qarkulluar në rrjet, duket se si një vajzë, e cila po qëndronte në stacionin e autobusit i ka shpëtuar mrekullisht përplasjes nga automjeti tip “Porsche” duke u larguar me vrap, pavarësisht se mjeti e ka prekur.
Ka qenë Erion Veliaj i cili pak kohë më parë i ka falur licencën e linjës së Unazës oligarkut të farmaceutikës Nadir Çausholli.
Ky i fundit reklamon në pjesën e pasme të autobusëve të tij, me banera gjigantë, ilaçet e linjës së farmaceutikës që ka në pronësi, të mbushur me tendera në shëndetësi nga Ogerta Manastirliu. Duket se i vetmi funksion që kryejnë autobusët e Çaushollit është vetë-reklamimi pasi aksidenti i djeshëm shënon dështimin e dytë të kësaj linje në transportin e qytetarëve të Tiranës dhe vendin e parë si linja më e rrezikshme për mjete, udhëtarë e kalimtarë.
Ka qenë vetë kryebashkiaku i cili ka promovuar autobusët jeshilë të cilët i shiti si inovacion për kryeqytetin, e vetëm pak muaj më pas shprehur dëshirën që njërin prej tyre ta kthente në “instalacion” tek Lana pasi ngeci në mes gjatë një aksidenti të frikshëm që fatmirësisht nuk mori jetë njerëzish.
E njëjta ngjarje me autobusët e së njëjtës linjë ndodhi ditën e djeshme ku u shënuan 10 të plagosur e dëme disa miliona lekë në mjete të cilat u goditën nga autobusi i Green Line në pronësi të Nadir Çaushollit.
Teksa oligarku me autobusët e tij rrezikon jetën e qytetarëve të Tiranës çdo ditë, Erion Veliaj mjaftohet duke nënkuptuar “shyqyr u mbyll me kaq dhe nuk pati pasoja në jetë njerëzish”.
A pret Erion Veliaj të vdesin njerëz e më pas t’ia heqë licencën oligarkut të farmaceutikës Nadir Çausholli?
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
Heroit të Muajit
KLIKO PËR TË VOTUAR
Shqiptari në Gjermani
Shqiptari në Gjermani, i cli gjeti në rrugë një portofol dhe vendosi që atë t;ia kthejë të zotit, një shtetas gjerman. Ai filmoi veten e tij me kamerën e makinës gjatë kohës që gjente shtëpinë e shtetasit gjerman. Fatmirësisht e gjeti dhe ia dorëzoi portofolin. Shtetasi gjerman e falënderoi shumë dhe e ‘shpërbleu’ atë me 20 euro.
Sara nga Tirana
Kandidatja e dytë është Sara nga Tirana, e cila, nuk zgjidhi të dhurojë para apo rroba për të prekurit nga tërmeti në Turqi dhe Siri, por shprehu gatishmërinë e saj për të birësuar një fëmijë, që ka humbur familjen në rrënojat e asaj lëkundjeje të madhe. Ajo tha për JOQ se po pret momentin kur ta njoftojnë se mund të birësojë një fëmijë në Turqi apo Siri.
Deoni
I treti është Deoni i vogël nga Kukësi, i cili na tregoi se nuk ka rëndësi mosha për të pasur një zemër të madhe. Ai dhuroi arkën e tij të kursimeve për të prekurit nga tërmeti në Turqi dhe Siri. Ndoshta ato pak të holla të tij nuk janë asgjë, por mesazhi i tij është shumë më i madh.
Shoferi i kamionit
I katërti është shqiptari, shofer kamioni, i cili u nis nga Shkupi më qindra ndihma për të prekurit nga tërmeti në Turqi. Vetëm dy ditë pas tërmetit, ai mblodhi ndihma dhe u nis i vetëm drejt qytetit të shkatërruar nga lëkundjet sizmike.
Babë e bir nga Kukësi
Në vendin e pestë, janë babë e bir nga Kukësi. Afrim Cenaj(babai) dërgoi në redaksinë e JOQ Albania foton kur i puthte duart djalit të tij për të mos u larguar nga Shqipëria. Afrimi është pjesë e listës së heronjve për drymën që i jep djalit të tij që të kontribuojë në vendin e tij, ndërsa i biri është në listë sepse, pavarësisht situatës së vështirë në Shqipëri, po merr zanatin e babait dhe ka premtuar se do punojë për Shqipërinë.
