Kur të na përjashtojnë nga partia, atëherë do të vendosim nëse do të shkojmë në shtëpi apo do të luftojmë deri në fund, politikisht, deklaroi nënkryetari i BDI-së dhe lideri i “grupit të zjarrit”, Izet Mexhiti.
I pyetur nëse është e mundur formimi i partisë së re, Mexhiti, i ftuar në emisionin 24 analiza, tha se angazhimi i “grupit të zjarrit” është që BDI-ja të kthehet në rrugën e duhur.
“Kryetari duhet të kthehet, të mos mbajë anë dhe të jetë kryetar siç ka qenë në vitet e kaluara dhe të mos na lë neve të përçahemi”, tha Mexhiti.
I pyetur se çfarë është kompromisi i mundur, Mexhiti theksoi se kur ka vullnet, ka 100 mënyra për të bërë kompromis.
“Hyrja e Aleancës për Shqiptarët në Qeveri për një vit është vetëm për inat dhe për të mbyllur gojën e “grupit të zjarrit”. Kjo vetëm se do ta dëmtojë BDI-në”, deklaroi Mexhiti.
Mexhiti theksoi se nuk janë kundër Ahmetit, por kundër vendimit të tij për ta bërë Artan Grubin zëvendëskryeministër të parë. Ai porositi se me Ahmetin ka komunikim, por se nuk kuptohen dhe se tubimet e fundit të BDI-së janë shenjë se ai nuk është në rrugën e duhur.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
Heroit të Muajit
KLIKO PËR TË VOTUAR
Shqiptari në Gjermani
Shqiptari në Gjermani, i cli gjeti në rrugë një portofol dhe vendosi që atë t;ia kthejë të zotit, një shtetas gjerman. Ai filmoi veten e tij me kamerën e makinës gjatë kohës që gjente shtëpinë e shtetasit gjerman. Fatmirësisht e gjeti dhe ia dorëzoi portofolin. Shtetasi gjerman e falënderoi shumë dhe e ‘shpërbleu’ atë me 20 euro.
Sara nga Tirana
Kandidatja e dytë është Sara nga Tirana, e cila, nuk zgjidhi të dhurojë para apo rroba për të prekurit nga tërmeti në Turqi dhe Siri, por shprehu gatishmërinë e saj për të birësuar një fëmijë, që ka humbur familjen në rrënojat e asaj lëkundjeje të madhe. Ajo tha për JOQ se po pret momentin kur ta njoftojnë se mund të birësojë një fëmijë në Turqi apo Siri.
Deoni
I treti është Deoni i vogël nga Kukësi, i cili na tregoi se nuk ka rëndësi mosha për të pasur një zemër të madhe. Ai dhuroi arkën e tij të kursimeve për të prekurit nga tërmeti në Turqi dhe Siri. Ndoshta ato pak të holla të tij nuk janë asgjë, por mesazhi i tij është shumë më i madh.
Shoferi i kamionit
I katërti është shqiptari, shofer kamioni, i cili u nis nga Shkupi më qindra ndihma për të prekurit nga tërmeti në Turqi. Vetëm dy ditë pas tërmetit, ai mblodhi ndihma dhe u nis i vetëm drejt qytetit të shkatërruar nga lëkundjet sizmike.
Babë e bir nga Kukësi
Në vendin e pestë, janë babë e bir nga Kukësi. Afrim Cenaj(babai) dërgoi në redaksinë e JOQ Albania foton kur i puthte duart djalit të tij për të mos u larguar nga Shqipëria. Afrimi është pjesë e listës së heronjve për drymën që i jep djalit të tij që të kontribuojë në vendin e tij, ndërsa i biri është në listë sepse, pavarësisht situatës së vështirë në Shqipëri, po merr zanatin e babait dhe ka premtuar se do punojë për Shqipërinë.
