Një burg gjigant është hapur së fundmi në El Salvador, teksa janë transferuar edhe 2000 të burgosurit e parë. Ky institucion i vuajtjes së dënimit është bërë posaçërisht për anëtarët e bandave kriminale, që e kanë futur vendin në kaos dhe është shpallur gjendja e jashtëzakonshme.
Ky objekt është projektuar për të strehuar rreth 40 mijë të burgosur dhe është një kërcënim i pastër për bandat kriminale, që kryejnë krime nga më të tmerrshmet. Ministri i sigurisë për vendin e Amerikës Qendrore paralajmëroi të burgosurit se "nuk do të largohen kurrë nga ai burg".
El Salvador ka një popullsi prej rreth 6.3 milionë banorësh. Ky burg vjen si rrjedhë e “luftës së nisur” nga presidenti Nayib Bukele kundër krimit. El Salvador pretendon se ky është burgu më i madh në në Amerikë. "Kjo do të jetë shtëpia e tyre e re, ku ata do të jetojnë për dekada, të gjitha të përziera, të paaftë për të bërë ndonjë dëm të mëtejshëm për popullatën”, tha presidenti ndër të tjera.
Ky burg nuk do të ketë përfshijë argëtim dhe asnjë dyshek për të burgosurit, që do të jetojnë në kushte tejet të vështira. 2000 kriminelët u shoqëruan me autobusë dhe një eskortë gjigante policie, përfshirë edhe helikopterët. Presidenti postoi një video ku shfaqeshin burra zbathur, me tatuazhe, të veshur vetëm me boksera të bardhë, të përkulur dhe me duart pas kokës.
Ata ishin grumbulluar afër njëri-tjetrit, secili i ulur me këmbët ndërsa rojet e armatosura me kapuç i shikojnë. Burrat u grumbulluan përpara se të çoheshin në grupe të mëdha në qelitë e tyre, ku lihen të ulur në dysheme përpara shtretërve metalikë. “Ne po e eliminojmë këtë kancer nga shoqëria”, tha ministri i drejtësisë dhe sigurisë Gustavo Villatoro në Twitter.
Ky burg i vendosur në Tecoluca, 74 kilometra (46 milje) në juglindje të kryeqytetit San Salvador, përbëhet nga tetë ndërtesa të ngritura prej betoni të përforcuar. Secila ka 32 qeli prej rreth 100 metrash katrorë, të dizajnuara për të mbajtur më shumë se 100 të burgosur.
Çdo qeli ka vetëm dy lavamanë dhe dy tualete. Ka vetëm 80 krevatë metalike për çdo 100 të burgosur, teksa grupet e të drejtave dhe vëzhguesit e kanë kritikuar ndërtimin si shkelje të standardeve të burgosjes. Të burgosurit do të dalin nga qelia vetëm për seancat gjyqësore me videokonferencë, ose për t'u ndëshkuar në një qeli izolimi pa dritare dhe pa drita.
Rreth 63,000 anëtarë të supozuar të bandave janë arrestuar që kur Bukele shpalli gjendjen e jashtëzakonshme muaj më parë, duke lejuar arrestime pa urdhër në vendin e rrënuar nga dhuna dhe krimi.
