Quhet Fredi Spahiu, kontrollori i linjës Tirana e Re i cili terrorizoi dy ditë më parë udhëtarët e autobusit të po së njëjtës linjë tek stacioni i Pallatit të Sportit, të cilin Policia e Shtetit duket se nuk e gjen dot.
Kontrollori i biletave Fredi Spahiu terrorizoi tërë opinionin publik me sjelljen kafshërore e çnjerëzore të denjë për pas hekurave. Pas publikimit të videos së dhunës mbi një udhëtar, denoncimet nga qytetarët mbi sjelljen e Spahiut në një linjë që i është dhënë leja për transport publik nga bashkia Tiranë, kanë qenë të pafundme.
Pasi shtriu në tokë e dhunoi me shkelma e grushte një të ri pasi nuk kishte në xhep biletën, ai mori një levë hekuri nga shoferi i autobusit i cili e nxori nga xhaketa dhe u bë gati ta përdorte mbi të djalin nëse aty nuk do ndërhynin udhëtarë të tjerë për ta larguar.
Skena e dhunës e denoncuar nga JOQ, nuk është e para e shënuar në historikun e veprave penale të linjës “Tirana e Re” me pronar Fatos Vrapin. Një shofer i kësaj linje është dhunuar më parë nga të afërm të pronarit që siç duket e kanë implementuar dhunën në rutinën e përditshme ditore të një linje transporti për qytetarët e Tiranës.
Përsa i përket licencës së kësaj linje, një skandal galopant është publikuar në media, ku cilësohej se kjo linjë punon pa certifikatë transporti.
Është detyrë e tre institucioneve të denoncojnë dhe të kontrollojnë parregullsitë: Policisë Bashkiake, të Agjencisë së Mbrojtjes se Konsumatorit, si dhe të DPSHTRR-së, por kryesisht e Policisë së Shtetit të marrë masa për Fredi Spahiun dhe kolegët e tij, për këdo që dhunon, kërcënon, shantazhon, terrorizon udhëtarët e urbanëve të Tiranës.
Fakti shqetësues në lidhje me këtë ngjarje është se Policia e Shtetit nuk ka reaguar duke i bërë udhëtarët e urbaneve të Tiranës të ndihen të pasigurt në kryeqytet.
Sa duhet t’i besojë populli Policisë së Shtetit dhe drejtorit aktual Muhamet Rrumbullaku nëse problematikët e të fortët e autobusëve enden të lirë?!
JOQ ALBANIA ka detyrim raportimin e ngjarjeve të tilla dhe nxitjen e organeve ligjzbatuese pëtë marrin masa. Përsa i përket rasteve të pafalshme të dhunës ndaj qytetarëve të pafajshëm, redaksia investigative nuk do ndalet së publikuari fakte derisa përgjegjësit të jenë pas hekurave, ose në të kundërt të provojnë se në Shqipëri ligji nuk funksionon dhe shteti ka rënë!
MË POSHTË MESAZHE DENONCUESE NGA QYTETARËT PËR KONTROLLORIN FREDI SPAHIU:
View this post on Instagram
