Pak ditë më parë në Shkup, Maqedoni e Veriut janë zbuluar dy pllaka të vjetra me shkrime në latinisht. Në varrezat e lagjes "Karposh", punonjësit e një firme investitore kanë gjetur dy pllakat e vjetra ku në njërën prej tyre shkruhej qartë “Dardanus”.
Këto pllaka thuhet se janë shkruar nga një banor i Shkupit gjatë shekullit të gjashtë. Banori me emrin Epikrat thuhet se ka shkruar në pllakë për të shoqen dhe tre djemtë e tij, ku më i vogli prej tyre mban emrin ‘Dardanus’.
Sipas historisë, Dardanët ishin fis Ilir që shtriheshin në mesin e Ballkanit, kryesisht në Kosovën e sotme dhe rrethinën e saj dhe ata ishin fisi themelues i Mbretërisë së Dardanisë rreth shekullit IV p.e.s. Historianë thonë se Shkupi, ose Scupi siç njihej asokohe, ishte qendër e mbretërisë dardane dhe kjo është arsyeja pse pllakat janë gjetur aty.
Por zbulimi i këtyre dy pllakave ka ngjallur edhe shumë debate te opioni publik, ekspertët e historianët. Pllakat e zbuluara duken se janë dëmtuar, por nuk dihet nëse kanë qenë të tilla prej shumë kohësh apo janë dëmtuar gjatë gërmimeve për ndërtimin e një pallati.
Ky fakt nuk është pritur aspak mirë nga qytetarët, kryesisht shqiptarë të cilët shprehen se Maqedonia e Veriut po përpiqet të fshehë gjurmët e ilirëve në trojet e saj duke lejuar ndërtimet në zonat antike.
Autoritetet maqedonase thonë se pllakat do të hiqen dhe do të vendosen në muzeun e Maqedonisë. Kreu i Drejtorisë për Mbrojtjen e Trashëgimisë Kulturore, Arian Asllanaj ka deklaruar:
Po ju premtojmë se brenda dy ditësh kjo do të pastrohet e do të ruhet maksimalisht e do të ekspozohet në Muzeun e Maqedonisë, aty ku është e lejuar ruajtja.
Ndërkohë që vlen të thuhet se investitori privat që po kryen ndërtimet në zonën antike nuk ka lejuar mediat për të marrë pamje të zbulimit të kryer, me pretekstin se është pronë private. Kjo shton edhe më tepër dyshimet se pllakat janë dëmtuar gjatë punimeve të kryera së fundmi.
Në këtë lokalitet arkeologjik ku është gjetur pllaka me mbishkrimin “DARDANUS” pritet të ndërtohen ndërtesa!!! pic.twitter.com/DDKoEeOLSY
— Roni Kadriu (@ronikadriu9) February 21, 2023
This new inscription from Shkup/Skopje 🇲🇰, capital of Roman Dardania, between 500-600 AD belongs to a person named Dardanus. This inscription is significant because it provides evidence that natives of the region still called themselves Dardanians as late as the end of antiquity pic.twitter.com/NYfUAwIA6A
— Arbëria (@Arbanology) February 21, 2023
DARDANUS
The graves was recently found!
Archelogists and Historians can start writing the truth of the History of Kosova (Dardania). Now they have facts and a lot of artifacts! #Dardania #Dardanus pic.twitter.com/LFx6Ckqr3J
— Arber Rogova (@arberrogova) February 23, 2023
