Vitin e kaluar, qytetarët kishin mundësi të përdorin energji elektrike më të lirë vetëm gjatë natës – nga ora 22:00 deri në 7:00 çdo ditë dhe gjatë gjithë ditës të diel.
Nga 1 korriku, qytetarët e Maqedonisë do të mund të shfrytëzojnë sërish rrymë të lirë gjatë ditës , nga ora 14:00 deri në 16:00. Këtë mundësi e ka bërë të ditur kreu i Komisionit Rregullator për Energjetikë, Marko Bislimoski. Por një vendim përfundimtar do të duhet të presë deri në fund të sezonit të ngrohjes. “KRRE e bartë vetë sistemin tarifor dhe tani po bëhen analiza nëse nga pikëpamja ekonomike mund të kthehet rryma e lirë gjatë ditës. Tani duhet të shohim sa do të jetë prodhimi vendor i energjisë elektrike dhe sipas njoftimeve të EEM-së do të rritet së paku 10 për qind”, thotë Bislimoski. Është analizuar edhe fakti që ka një numër të madh fotovoltaikësh të ndërtuar që kryesisht ndërtohen nga kompani të mëdha.
Tarifa e lirë ditore u hoq më 1 janar 2022, kur pati edhe rritje më të madhe të çmimit të energjisë elektrike me 9.48 për qind. Nëse do të kishte mbetur tarifa e lirë ditore, çmimi i energjisë elektrike do të duhej të rritej me 5 për qind shtesë, pra rritja do të ishte 14.23 për qind. Vitin e kaluar, qytetarët kishin mundësi të përdorin energji elektrike më të lirë vetëm gjatë natës – nga ora 22:00 deri në 7:00 çdo ditë dhe gjatë gjithë ditës të diel. “Tani, në periudhën kur rryma ishte më e shtrenjta, falë fotovoltaikëve, ne kemi energjinë më të lirë. Prandaj, është e mundur, nëse llogaritjet tregojnë kështu, të kthehet rryma e lirë ditore”, thotë kreu i KRRE. Sipas tij, përfitimin më të madh do ta kenë pensionistët që janë në shtëpi dhe që janë shumë të kujdesshëm se si konsumohet energjia elektrike. “Përveç kësaj, ata i paguanin faturat më rregullisht gjatë pandemisë Kovid dhe ruajtën likuiditetin e EEM-së”, thotë Bislimoski,raporton koha.mk.Në muajin janar, për herë të parë në 15 vitet e fundit, nga gjithsej nevojat për energji elektrike në Maqedoninë e Veriut, 87% është siguruar nga objektet e prodhimit vendas, ndërsa vetëm 13% është siguruar nga importi, thotë bashkëpunëtori i Qeverisë për energjinë, njoftoi Viktor Andonov javën e kaluar.
