Shëtitoren e Kukësit e pllakos errësira! Safet Gjici s’gjen kohën as për dritat e dëmtuara, rrezikohen fëmijët

Shkruar nga: G Hasani | Publikuar më: 20.02.2023, 20:15

Pak ditë më parë, publikuam një foto që ngjallte shpresë nga qyteti i Kukësit. E kemi fjalën, për babain që i puthte dorën djalit të tij, për të mos u larguar nga Shqipëria, por të jepte kontributin e tij në vendin e lindjes.

Mirëpo, mesa duket, dëshira për t’u larguar nga Kukësi do të jetë e madhe për të riun dhe një nga fajtorët për këtë është edhe keqmenaxhimi i qytetit. Bashkia e këtij qyteti, që jep tendera pa iu dridhur dora, me firmën e Safet Gjicit, nuk sheh as gjënë më të vogël që ndodh.

Në redaksinë e JOQ Albania kanë mbërritur pamje se si shëtitoren e qytetit e ka pllakosur errësira, pasi dritat nuk punojnë. Mësohet se atyre i janë dëmtuar paketat elektrike dhe askush nuk ka marrë mundimin që t’i ndreqë. Për më tepër, lënia e këtyre dritave në këtë gjendje rrezikon jetën e fëmijëve, si rasti i ndodhur në qytetin e Beratit.

Safet Gjici, mjafton që të dalë në dritare dhe të shohë errësirën, për të dhënë një urdhër që të rikthehet ndriçmi në shëtitore. Mirëpo kjo nuk ndodh pasi paratë për rregullimin e tyre mund t'i fusë qetësisht në xhep.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Heroit të Muajit
KLIKO PËR TË VOTUAR
  • Shqiptari në Gjermani
    Shqiptari në Gjermani, i cli gjeti në rrugë një portofol dhe vendosi që atë t;ia kthejë të zotit, një shtetas gjerman. Ai filmoi veten e tij me kamerën e makinës gjatë kohës që gjente shtëpinë e shtetasit gjerman. Fatmirësisht e gjeti dhe ia dorëzoi portofolin. Shtetasi gjerman e falënderoi shumë dhe e ‘shpërbleu’ atë me 20 euro.
    Sara nga Tirana
    Kandidatja e dytë është Sara nga Tirana, e cila, nuk zgjidhi të dhurojë para apo rroba për të prekurit nga tërmeti në Turqi dhe Siri, por shprehu gatishmërinë e saj për të birësuar një fëmijë, që ka humbur familjen në rrënojat e asaj lëkundjeje të madhe. Ajo tha për JOQ se po pret momentin kur ta njoftojnë se mund të birësojë një fëmijë në Turqi apo Siri.
    Deoni
    I treti është Deoni i vogël nga Kukësi, i cili na tregoi se nuk ka rëndësi mosha për të pasur një zemër të madhe. Ai dhuroi arkën e tij të kursimeve për të prekurit nga tërmeti në Turqi dhe Siri. Ndoshta ato pak të holla të tij nuk janë asgjë, por mesazhi i tij është shumë më i madh.
    Shoferi i kamionit
    I katërti është shqiptari, shofer kamioni, i cili u nis nga Shkupi më qindra ndihma për të prekurit nga tërmeti në Turqi. Vetëm dy ditë pas tërmetit, ai mblodhi ndihma dhe u nis i vetëm drejt qytetit të shkatërruar nga lëkundjet sizmike.
    Babë e bir nga Kukësi
    Në vendin e pestë, janë babë e bir nga Kukësi. Afrim Cenaj(babai) dërgoi në redaksinë e JOQ Albania foton kur i puthte duart djalit të tij për të mos u larguar nga Shqipëria. Afrimi është pjesë e listës së heronjve për drymën që i jep djalit të tij që të kontribuojë në vendin e tij, ndërsa i biri është në listë sepse, pavarësisht situatës së vështirë në Shqipëri, po merr zanatin e babait dhe ka premtuar se do punojë për Shqipërinë.
Më të Lexuarat
Shkarkoni aplikacionin JOQ ALBANIA në platformat
Më të fundit