Në Tetovë është mbajtur trajnimi në kuadër të të cilit instruktori në Njësinë për trajnim dhe përgatitje të zyrtarëve policorë, gjatë aksioneve speciale të intervenimit në S.W.A.T., Uliks Gjonaj, praktikisht i trajnoi policët nga Tetova dhe Ggostivari.
Njësiti për sigurimin e personave dhe objekteve, Njësiti për dislokim të shpejtë dhe Njësia speciale për trajnim dhe mbështetje për trajtimin e intervenimeve speciale, nga Policia e Tetovës dhe Gostivarit, sic njofton KlanM, u trajnuan me metoda amerikane nga instruktori amerikan me prejardhje shqiptare Uliks Gjonaj.
“Është një program shumë modern, është një program I ri që përdoret tek policia amerikane ku janë të kombinuara dy sisteme – ai amerikan dhe izraelit, për t`I dhënë një rritje profesionale policisë këtu”, thotë instruktori amerikan, Uliks Gjonaj.
Falë bashkëpunimit ndërshtetëror, Uliksi, sic percjell KlanM, thotë se ky trajnim është vetëm fillimi. Planifikohen edhe trajnime tjera më të avancuara.
‘Ky është vetëm fillimi, më ka ftuar Maqedonia e Veriut e falënderoj shumë, nuk do të ndalemi do të kemi trajnime më të avancuara dhe më të gjata, që edhe policia e RMV-së të ketë një program të përbashkët me policinë amerikane”, tha instruktori Gjonaj.
Gjatë trajnimit, punonjësit e policisë patën mundësinë të praktikojnë në mënyrë praktike taktikat më moderne dhe më efektive në trajtimin e detyrave të veçanta dhe të rrezikshme me operacione dhe procedura mbrojtëse, konkretisht: arrestimi, heqja e lirisë, bastisja, mbrojtja, vetëmbrojtja dhe procedura të tjera të ndërhyrjes.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
Heroit të Muajit
KLIKO PËR TË VOTUAR
Shqiptari në Gjermani
Shqiptari në Gjermani, i cli gjeti në rrugë një portofol dhe vendosi që atë t;ia kthejë të zotit, një shtetas gjerman. Ai filmoi veten e tij me kamerën e makinës gjatë kohës që gjente shtëpinë e shtetasit gjerman. Fatmirësisht e gjeti dhe ia dorëzoi portofolin. Shtetasi gjerman e falënderoi shumë dhe e ‘shpërbleu’ atë me 20 euro.
Sara nga Tirana
Kandidatja e dytë është Sara nga Tirana, e cila, nuk zgjidhi të dhurojë para apo rroba për të prekurit nga tërmeti në Turqi dhe Siri, por shprehu gatishmërinë e saj për të birësuar një fëmijë, që ka humbur familjen në rrënojat e asaj lëkundjeje të madhe. Ajo tha për JOQ se po pret momentin kur ta njoftojnë se mund të birësojë një fëmijë në Turqi apo Siri.
Deoni
I treti është Deoni i vogël nga Kukësi, i cili na tregoi se nuk ka rëndësi mosha për të pasur një zemër të madhe. Ai dhuroi arkën e tij të kursimeve për të prekurit nga tërmeti në Turqi dhe Siri. Ndoshta ato pak të holla të tij nuk janë asgjë, por mesazhi i tij është shumë më i madh.
Shoferi i kamionit
I katërti është shqiptari, shofer kamioni, i cili u nis nga Shkupi më qindra ndihma për të prekurit nga tërmeti në Turqi. Vetëm dy ditë pas tërmetit, ai mblodhi ndihma dhe u nis i vetëm drejt qytetit të shkatërruar nga lëkundjet sizmike.
Babë e bir nga Kukësi
Në vendin e pestë, janë babë e bir nga Kukësi. Afrim Cenaj(babai) dërgoi në redaksinë e JOQ Albania foton kur i puthte duart djalit të tij për të mos u larguar nga Shqipëria. Afrimi është pjesë e listës së heronjve për drymën që i jep djalit të tij që të kontribuojë në vendin e tij, ndërsa i biri është në listë sepse, pavarësisht situatës së vështirë në Shqipëri, po merr zanatin e babait dhe ka premtuar se do punojë për Shqipërinë.
