Të gjithë të mpleksurit, festojnë sot 14 Shkurtin e cila njihet si dita e Shën Valentinit ose Dita e të Dashuruarve. Shën Valentini është një shenjtor i lidhur që nga mesjeta me simbolin e dashurisë së sinqertë dhe përkujtohet çdo datë 14 shkurt. dhe festohet nga komuniteti i besimit anglikan dhe protestant, por që tashmë është bërë traditë të përkujtohet në shumë vende të botës, përfshirë edhe Shqipërinë. Simbolet e kësaj dite janë zemrat, pëllumbat dhe engjëlli Kupid.
Gjatë shekullit 19, në ditën e të dashuruarve, çiftet shkëmbenin kartolina me njëri-tjetrin dhe kështu shprehnin dashurinë në ditën e Shën Valentinit, por sot në shekullin e 21 gjërat kanë ndryshuar. Koha ka evoluar edhe më shumë, teksa të dashuruarit nuk mjaftohen vetëm me një kartolinë dhe puthje, por kanë zgjeruar ‘thesin e surprizave’ edhe me dhurata që kushtojnë shumë. Tashmë shumë çifte të dashuruar në këtë ditë shkëmbejnë dhurata, lule, udhëtime, por që në thelb të gjitha këto kanë një vlerë të kushtueshme monetare.
Në Shqipëri, në këtë periudhë ku kriza ka kapur çdo skaj të vendit tonë, ku xhepat e qytetarëve po ‘tkurren’ nga rritja e çmimit të bukës, energjisë elektrike, ushqimeve, naftës, Shën Valentini shihet si një ‘barrë plus’ të cilët veç puthjeve dhe përqafimeve duan të dhurojnë edhe gjëra me vlerë monetare, por që gjendja ekonomike e cila është ‘përtokë’ të step të bësh blerje surprizë për partneren/in.
Dashuria nuk ka çmim dhe ajo jepet në çdo vend dhe çdo ditë të vitit, por që mania për të festuar me personin e zemrës në një mënyrë speciale këtë 14 shkurt, është fiksim i çdo shqiptari, por jo vetëm. Gjithsesi ky vit pas ‘gjunjëzimit’ për shkak të pandemisë dhe rritjeve në stratosferë e çmimeve ka bërë që shqiptarët e shtresave të varfra dhe të mesme ‘të shtrijnë këmbët sa kanë jorganin’, ndërsa prioritet për të festuar këtë festë mes dashurisë dhe parasë kanë sërish shtresa e lartë e elitës së politikës shqiptare, VIP-ave dhe personave të njohur.
Por sërish mos harroni! Dashurisë nuk i vendoset asnjë çmim, të duash dhe të të duan është e pakufishme dhe jepet në çdo ditë të vitit, mjafton që çiftet shqiptare të kenë sinqeritet, lumturi dhe jetë të frytshme!