Në mediat ekuadoriane janë publikuar detaje të reja rreth bandave kriminale vendase dhe mafias shqiptare që merret me trafikimin e drogës.
Agjencitë e sigurimit shtetëror kanë regjistruar një takim në Guayaquil mes kreut të bandës ekuadoriane Ruben Chérrez dhe mafias shqiptare, një organizatë kriminale ndërkombëtare e lidhur me trafikun e drogës.
Hetuesit kanë zbuluar marrëdhëniet e Chérrez me personalitete të afërta me qeverinë e Presidentit Guillermo Lasso dhe negociatat e tij për të marrë emërime në poste të larta brenda kompanive publike dhe ministrive.
Agjentët e hetimit ndoqën një individ të identifikuar si HD León, i cili vizitoi një kompani të falimentuar në qytetin Manta. Kompania Osaka Fish përdorej nga mafia shqiptare si mbulesë për operacionet e organizatës kriminale.
Sipas raportit, atë 5 maj, në kompani mbërriti Rubén Chérrez, i cili do të lidhej me strukturën e Kumbarit të Madh dhe që është mik i kunatit të Presidentit Guillermo Lasso, Danilo Carrera.
Chérrez u takua sërish me anëtarët e organizatës kriminale në një kafene në Guayaquil, një takim që u regjistrua edhe në imazhe. Ashtu si një takim i tretë i mbajtur më 10 qershor të po këtij viti 2021, kur ai do të kishte takuar një nga drejtuesit e grupit kriminal.
Gjatë takimeve anëtarët e bandave përdornin automjete të ndryshme të nivelit të lartë, si Grand Cherokee, BMW dhe avionë të vegjël për të kryer lëvizjet.
Shtetasit shqiptarë të përfshirë në këtë skemë dhe bandë kriminale janë: Dritan Gjika, Mario Vani, Blerim Dibra, Erjon Spahiu dhe Jack Florini. Gjika dhe Spahiu konsiderohen si liderë të bandës shqiptare.
Gazetari Christian Zurita thotë se lidhjet e Rubén Cherres me mafian shqiptare datojnë shumë larg. Në një operacion në Mantë në vitin 2021, ata u kapën së bashku në të njëjtin automjet. Ekziston një rrjet sipërmarrjesh të përbashkëta midis Cherrez dhe Dritanit. Të paktën një kompani e tillë dihet se ka punuar që nga viti 2010.
Los vínculos de Rubén Cherres con la mafia albanesa son de larga data. En un operativo en Manta en 2021, fueron interceptados juntos en un mismo vehículo. Existe una red de empresas compartidas entre Cherres y Dritan. Se sabe que al menos una de esas empresas contrató desde 2010. pic.twitter.com/pWnCbqZtal
— christian zurita :. (@christianzr) February 13, 2023