Seanca e Kuvendit të RMV-së në të cilën do të diskutohet për rikonstruimin e Qeverisë do të vazhdojë nesër në ora 12:00, vendosi nënkryetari i Kuvendit Goran Misovski, i cili e drejtoi seancën.
Kryeministri Dimitar Kovaçevski duke shpjeguar propozimin për shkarkimin e stafit të Alternativës nga Qeveria, parti e cila vendosi të dalë në opozitë pasi Aleanca për Shqiptarët vendosi t’i bashkohet koalicionit qeveritar, në fillim të seancës tha se rikonstruimi do të sjellë energji të reja dhe do t’i japë fund manipulimeve për zgjedhje të parakohshme.
Deputeti i OBRM-PDUKM Aleksandar Nikolovski fjalimin e kryeministrit para deputetëve e quajti “fjalim të zbehtë me shumë pallavra dhe gjëra që janë në buzë të fjalive politike që përsëriten shpesh në skenën politike dhe janë pa përmbajtje”.
Rendi i ditës i seancës u votua me 64 vota “pro” dhe asnjë “kundër” dhe “abstenim”. Deputetët, sipas urdhrit, fillimisht duhet të deklarojnë shkarkimet e ministrave dhe zëvendësministrave aktualë dhe më pas zgjedhjen e të rinjve të propozuar nga kryeministri.
Sipas propozimit të Kovaçevskit, shkarkimi propozohet për ministrin e Shëndetësisë Bekim Sali, atë të Shoqërisë Informative dhe Administratë Admirim Aliti, dhe ministrin pa portofol përgjegjës për diasporën Xhemail Çupi, si dhe zv.ministrat për bujqësi Abdulshukur Abedini dhe atë për Arsim dhe Shkencë Lulzim Aliu. Të gjithë janë kuadro të Alternativës.
Propozim për shkarkim ka edhe zëvendësministri i Mbrojtjes Bashkim Hasani, i cili është pjesë e “grupit të zjarrit” në BDI.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
Heroit të Muajit
KLIKO PËR TË VOTUAR
Djali tek Sheshi Skënderbej
I pari në listë është i riu, që në daljen e tij në sheshin Skënderbej, në fillim të vitit, vendosi që të gëzonte një vajzë të mitur, të pastrehë, që po shijonte vetëm nga jashtë lodrat që ishin vendosur në qendër të Tiranës. Teksa ai e pa, që ajo nuk kishte mundësi ekonomike për të hipur në karusel, e mori dhe bashkë me të shijuan një xhiro.
Qytetari nga Kavaja
Kandidati i dytë është djali nga Kavaja që vendosi t’i hapte derën e shtëpisë Gabrielit, të riut që flinte në rrugët e Tiranës, pasi vuante nga probleme të shëndetit mendor. Ai ishte i vetëm, pasi nuk kishte familje dhe qytetari nga Kavaja vendosi që ta strehonte në banesën e tij.
I riu zemërgjerë
Kandidati i tretë, është i riu nga Tirana, i cili ndaloi makinën në mes të rrugës, në një kohë me shi dhe zbriti nga automjeti për t’i dhënë një palë këpucë dhe një xhup një të moshuare, që po lypte tek makinat, që kishin mbetur në trafik. Ai u kujdes personalisht që ajo t’i vishte ato që i dhuroi dhe më pas u largua.
Djali që ndihmoi të moshuarin
Kandidati i katërt, është një tjetër i ri, i cili po ashtu ndaloi makinën në rrugë për të ndihmuar një të moshuar që i ishte prishur biçikleta. Ai bëri aq sa mundi, që i moshuari të rregullonte biçikletën dhe më pas të largohej drejt banesës së tij.
Greis dhe Rakel
Në vendin e pestë kemi motër e vëlla, Greisin dhe Rakelin, dy të vegjëlit, që detyruan nënën e tyre të ndalonte makinën për t'i dhënë disa të holla një djali të mitur që po lypte në rrugë. I mituri kishte në krahë një fëmjë të vogël dhe kjo preku më shumë motër e vëlla. Ata i lëshuan disa të holla bashkëmoshatarit të tyre dhe më pas u larguan me të ëmën.
