Ndërsa një anije kozmike e NASA-s drejtoi kamerën e saj në sipërfaqen e Marsit, ajo papritmas projektoi "fytyrën e një ariu".
Konkretisht, kamera e Mars Reconnaissance Orbiter, e quajtur HiRISE, kapi një imazh të shkëmbinjve të planetit, por ajo u bë virale për shkak të formës së saj.
Dy të çara në sipërfaqen e Marsit, dy kratere dhe një veçori e shkëmbinjve mjaftuan për të formuar kokën e një ariu.
Sipas shkencëtarëve të NASA-s tipari që duket si hunda e një ariu është ndoshta një shpërthim vullkanik.
Universiteti i Arizonës, i cili zhvilloi kamerën në bashkëpunim me Ball Aerospace, ndau imazhin më 25 janar.
Pjesa tjetër e imazheve të NASA-s tregojnë bukurinë e dimrit në Mars, pasi marsin e kaluar, roveri Curiosity vuri re një formacion shkëmbor që dukej si një lule.
Kamera HiRISE ka marrë imazhe të Marsit që nga viti 2006, kur Orbiter Mars Reconnaissance filloi të rrotullohej rreth planetit të kuq. Ajo është projektuar për të kapur imazhe të detajuara të sipërfaqes së Marsit.
Anija kozmike e NASA-s rrotullohet rreth Marsit çdo 112 minuta dhe i ndihmon shkencëtarët e NASA-s të studiojnë atmosferën, motin dhe klimën marsiane, dhe se si ato ndryshojnë me kalimin e kohës. Sateliti gjithashtu kërkon prova të ujit, akullit dhe shkëmbinjve dhe zbulon për vendet e ardhshme të uljes për misione të tjera.
VIDEO: Yogi, Paddington and Winnie the Pooh, move over. There's a new bear in town. Or on Mars, anyway. NASA's Mars Reconnaissance Orbiter has captured images of what appears to be a beaming face of a bear carved into the surface of the red planet pic.twitter.com/o9BPFkzN58
— AFP News Agency (@AFP) January 31, 2023
