Një video që po qarkullon së fundmi në rrjetet sociale ka prekur mijëra përdorues. Në të duket një burrë i moshuar, që i thotë fjalët e fundit gruas së tij prej 64 vitesh, ndërsa ishte në shtratin e vdekjes.
Videoja, e shpërndarë nga një i afërm thuhet se është filmuar në shtëpinë e një çifti të moshuar kinez në dhjetor 2022. I moshuari vdiq nga një sëmundje, një ditë pasi i tha lamtumirën e fundit gruas së tij 83-vjeçare. Vdekja e tij ndodhi menjëherë pasi ata festuan 64 vjetorin e martesës.
“Gjyshi ka ikur në fund të fundit. Gjyshja ka qarë si një fëmijë që atëherë”, shkruan i afërmi në postim, sipas South China Morning Post. “Ai e la atë pa dëshirë një ditë pas 64 vjetorit të martesës së tyre. Ai la vajzën të cilën e ka përkëdhelur dhe është kujdesur për të gjithë jetën”.
Gjatë lamtumirës së fundit me gruan e tij, burri e këshillon atë të mos bëjë kompromis nëse nusja ose nipërit e tyre e bëjnë të pakënaqur, për të cilën personi që filmon momentin i thotë gruas: "Premtoji, gjyshe".
Ndërsa gruaja qan e ulur pranë burrit të saj që po vdes, ajo fshin lotët dhe i thotë: “Të urrej. Pse do të më lësh vetëm me kaq shpejt?”
“Mos qaj. Nuk dua të të lë, por nuk është zgjedhja ime”, i thotë ai gruas së tij. “Është e mahnitshme që kemi qenë çift për kaq shumë vite. Mendo për dy motrat e tua më të vogla. Burrat e tyre vdiqën të dy kur ishin në të 50-at dhe 60-at e tyre.”
Shumë përdorues u prekën nga dashuria e pavdekshme e çiftit të moshuar në video, e cila tani është shikuar mbi 32 milionë herë.
"Unë qava sa herë që e pashë këtë video", komentoi një përdorues, sipas South China Morning Post. “Gjyshi nuk e përmendi një herë fjalën dashuri, por fjalitë e tij ishin plot dashuri. Gjyshi ishte i shqetësuar që gjyshja do të jetonte pa të, ndërsa gjyshja nuk duronte ta shihte të largohej.”
“Ai u largua nga bota paqësisht dhe me dinjitet. Ai nuk kishte tuba të shumtë të futur në trupin e tij, si ata të moshuarit me sëmundje të rënda. Ai kishte ende një mendje të kthjellët dhe madje e ngushëlloi gruan e tij. Ky plak ka bekimet e mia”, ka shkruar një përdorues tjetër.
Shikoni videon këtu.
