Një ngjarje e rëndë ka ndodhur pasditen e djeshme në Itali pasi një 15-vjeçar shqiptar u përplas për vdekje nga një tren.
Elion Shala, lindur dhe rritur në Itali, por me kombësi shqiptare vdiq pasi u godit nga një tren Eurocity pasditen e vonë të së dielës, në stacionin Chiari.Sipas policisë, djali i mitur po përpiqej të kalonte shinat për të arritur miqtë e tij që ishin në anën tjetër kur u përplas nga treni.
Elion Shala kishte kaluar një pasdite me miqtë në Romano di Lombardia dhe pasi ishin kthyer në qytet me tren ata po shkonin për në shtëpi. Por shqiptari i mitur kishte mbetur pas miqve të tij dhe në momentin që po kalonte shinat, u përplas nga treni dhe u tërhoq zvarrë për disa metra.
Trupi i pajetë u gjet pas rreth dy orësh dhe më pas u transferua në morgun e spitalit, në dispozicion të organeve të drejtësisë.
Komuniteti shqiptar në Chiari dhe jo vetëm janë tronditur nga ngjarja e rëndë. Shqiptari i mitur ishte në vitin e dytë të shkollës mekanike dhe luante me ekipin e futbollit të Chiarit për të rinjtë nën 16-vjeç.
Përveç prindërve të tij, ai kishte edhe një vëlla më të vogël.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
Heroit të Muajit
KLIKO PËR TË VOTUAR
Djali tek Sheshi Skënderbej
I pari në listë është i riu, që në daljen e tij në sheshin Skënderbej, në fillim të vitit, vendosi që të gëzonte një vajzë të mitur, të pastrehë, që po shijonte vetëm nga jashtë lodrat që ishin vendosur në qendër të Tiranës. Teksa ai e pa, që ajo nuk kishte mundësi ekonomike për të hipur në karusel, e mori dhe bashkë me të shijuan një xhiro.
Qytetari nga Kavaja
Kandidati i dytë është djali nga Kavaja që vendosi t’i hapte derën e shtëpisë Gabrielit, të riut që flinte në rrugët e Tiranës, pasi vuante nga probleme të shëndetit mendor. Ai ishte i vetëm, pasi nuk kishte familje dhe qytetari nga Kavaja vendosi që ta strehonte në banesën e tij.
I riu zemërgjerë
Kandidati i tretë, është i riu nga Tirana, i cili ndaloi makinën në mes të rrugës, në një kohë me shi dhe zbriti nga automjeti për t’i dhënë një palë këpucë dhe një xhup një të moshuare, që po lypte tek makinat, që kishin mbetur në trafik. Ai u kujdes personalisht që ajo t’i vishte ato që i dhuroi dhe më pas u largua.
Djali që ndihmoi të moshuarin
Kandidati i katërt, është një tjetër i ri, i cili po ashtu ndaloi makinën në rrugë për të ndihmuar një të moshuar që i ishte prishur biçikleta. Ai bëri aq sa mundi, që i moshuari të rregullonte biçikletën dhe më pas të largohej drejt banesës së tij.
Greis dhe Rakel
Në vendin e pestë kemi motër e vëlla, Greisin dhe Rakelin, dy të vegjëlit, që detyruan nënën e tyre të ndalonte makinën për t'i dhënë disa të holla një djali të mitur që po lypte në rrugë. I mituri kishte në krahë një fëmjë të vogël dhe kjo preku më shumë motër e vëlla. Ata i lëshuan disa të holla bashkëmoshatarit të tyre dhe më pas u larguan me të ëmën.
