“Ai ishte më i fortë se unë”, zbardhet dëshmia e 23-vjeçares së përdhunuar nga Dani Alves

Shkruar nga: Bardh Kodheli | Publikuar më: 23.01.2023, 13:34

Legjenda e Barcelonës dhe Brazilit, Dani Alves, u arrestua të premten e kaluar, pas denoncimit të një vajze 23-vjeçare, e cila pretendon se është përdhunuar nga lojtari në ambientet e një lokali nate në Barcelonë më 30 dhjetor 2022.

“El Periodico” raporton se incidenti në banjë mes Alves dhe viktimës ka zgjatur rreth 15 minuta dhe kohëzgjatja mund të shihet në regjistrimin e kamerave të sigurisë. Sipas deklaratës, kallëzuesja dhe disa shoqe të saj janë ftuar nga futbollisti dhe një mik meksikan në një tavolinë VIP në lokal.

“Alves nisi menjëherë të na prekte të triave. Më pas nuk e dija se çfarë kishte pas asaj dere, mendova se aty ndodhej një tjetër zonë VIP”, shprehet fillimisht 23-vjeçarja. Më pas ajo ka treguar se Alves i ka pëshpëritur diçka në vesh, por ajo nuk e ka kuptuar.

“Dyshohet se ai i kapi fort dorën viktimës dhe e vendosi në organin e tij gjenital, një veprim që është bërë disa herë, pavarësisht kundërshtimit të 23-vjeçares. Alves e detyroi atë t’i ulej sipër, e hodhi në dysheme, e goditi me shuplakë dhe përfundoi aktin e tij”, thuhet në raport.

“Unë rezistova, por ai ishte shumë më i fortë se unë”, ka shpjeguar e reja që pretendoi se përdhunimi që ajo kishte pësuar ndodhi më 30 dhjetor. Dani Alves ofroi deri në tre versione të ndryshme të fakteve para gjykatësit.

Në deklaratën e Alves për gjyqtarin, lojtari pranoi, sipas “TV3”, se kishte qenë në klub, por pohoi se kishte qenë atje vetëm për një kohë të shkurtër dhe mohoi sulmin seksual. Një rrëfim që, sipas gjyqtarit hetues, bie ndesh me provat e mbledhura.

Siç raporton “TV3”, Alves ka deklaruar tre gjëra të ndryshme: së pari, ai tha se nuk e njihte vajzën të cilën dyshohet se e kishte sulmuar seksualisht, më pas tha se e kishte parë, por asgjë nuk kishte ndodhur, para se në fund të pranonte tha se ishte ajo, që u hodh mbi të.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Heroit të Muajit
KLIKO PËR TË VOTUAR
  • Djali tek Sheshi Skënderbej
    I pari në listë është i riu, që në daljen e tij në sheshin Skënderbej, në fillim të vitit, vendosi që të gëzonte një vajzë të mitur, të pastrehë, që po shijonte vetëm nga jashtë lodrat që ishin vendosur në qendër të Tiranës. Teksa ai e pa, që ajo nuk kishte mundësi ekonomike për të hipur në karusel, e mori dhe bashkë me të shijuan një xhiro.
    Qytetari nga Kavaja
    Kandidati i dytë është djali nga Kavaja që vendosi t’i hapte derën e shtëpisë Gabrielit, të riut që flinte në rrugët e Tiranës, pasi vuante nga probleme të shëndetit mendor. Ai ishte i vetëm, pasi nuk kishte familje dhe qytetari nga Kavaja vendosi që ta strehonte në banesën e tij.
    I riu zemërgjerë
    Kandidati i tretë, është i riu nga Tirana, i cili ndaloi makinën në mes të rrugës, në një kohë me shi dhe zbriti nga automjeti për t’i dhënë një palë këpucë dhe një xhup një të moshuare, që po lypte tek makinat, që kishin mbetur në trafik. Ai u kujdes personalisht që ajo t’i vishte ato që i dhuroi dhe më pas u largua.
    Djali që ndihmoi të moshuarin
    Kandidati i katërt, është një tjetër i ri, i cili po ashtu ndaloi makinën në rrugë për të ndihmuar një të moshuar që i ishte prishur biçikleta. Ai bëri aq sa mundi, që i moshuari të rregullonte biçikletën dhe më pas të largohej drejt banesës së tij.
    Greis dhe Rakel
    Në vendin e pestë kemi motër e vëlla, Greisin dhe Rakelin, dy të vegjëlit, që detyruan nënën e tyre të ndalonte makinën për t'i dhënë disa të holla një djali të mitur që po lypte në rrugë. I mituri kishte në krahë një fëmjë të vogël dhe kjo preku më shumë motër e vëlla. Ata i lëshuan disa të holla bashkëmoshatarit të tyre dhe më pas u larguan me të ëmën.
Më të Lexuarat
Shkarkoni aplikacionin JOQ ALBANIA në platformat
Më të fundit