Kaos në Qafën e Murrizit, borëpastruesja pa zinxhirë bllokon vetë rrugën

Shkruar nga: A Shehaj | Publikuar më: 21.01.2023, 22:27

Gjatë gjithë ditës së sotme, në Rrugën e Arbrit ka patur problematika dhe bllokime disa orëshe për shkak të reshjeve të dëborës por jo vetëm.

Prej më shumë se 5 orësh, rreth 200 automjete mbetën të bllokuara në Qafën e Murrizit.

Gjatë mbrëmjes, bllokimi filloi të lehtësohej por borëpastrueset që supozohet të pastrojnë rrugën për automjetet e bllokuan edhe më tepër.

Një qytetar ka treguar për JOQ ALBANIA, se borëpastrueset pa zinxhir bllokuan edhe më tepër rrugën, duke vështirësuar kalimin e automjeteve të tjera.

Edhe në pamjet e mëposhtme, mund të shihni se si borëpastruesja ka mbetur në rrugë ndërsa punëtorët heqin borën me lopata.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit