Një 38-vjeçar është arrestuar nga policia italiane, nën akuzën se ka tentuar të vrasë ish-gruan e tij.
Mediat italiane shkruajnë se shqiptari, emri i të cilit nuk është bërë i ditur, është arrestuar edhe në 2021 për të njëjtën akuzë.
NGJARJA
Ngjarja ka ndodhur në veri të Romës, në zonën Ponte Milvio dhe tashmë shqiptari është në paraburgim, për të shtënat e kryera dy ditë më parë, mbrëmjen e 19 janarit.
Në këtë episod të fundit dhune, 38-vjeçari kishte shkuar me një bashkëpunëtor në Ponte Milvio në zonën e jetës së natës dhe pasi kishte mbërritur në një klub nate, pa ish gruan 39-vjeçare. Gruaja italiane, e cila shoqërohej nga kunati i saj, ka dalë për tu sqaruar jashtë me shqiptarin, kur ky i fundit pas një sherri ka marrë armën nga makina dhe ka qëlluar drejt saj dhe kunatit që iu bashkua më pas.
Për fatin e tyre të mirë, të dy nuk kanë pësuar lëndime, ndërsa plumbat përfunduan në dritaret e klubit të natës.
Më pas shqiptari dhe bashkëpunëtori janë arratisur nëpër rrugët e lagjes dhe vajza ka lajmëruar policinë, të cilët kanë mundur t’i gjejnë ata në një apartament në zonën e Selva Candida.
Policia vendosi që t’i bënte një “surprizë”, t’i arrestonte në befasi, duke u futur nga një dritare, e gjetën dhe e ndaluan ish-bashkëshortin, i cili fshihej në një dollap.
Magjistraturat kanë kërkuar arrestimin e tij, ndërkohë që bashkëpunëtori i tij po hetohet në gjendje të lirë për ndihmë dhe nxitje
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
Heroit të Muajit
KLIKO PËR TË VOTUAR
Djali tek Sheshi Skënderbej
I pari në listë është i riu, që në daljen e tij në sheshin Skënderbej, në fillim të vitit, vendosi që të gëzonte një vajzë të mitur, të pastrehë, që po shijonte vetëm nga jashtë lodrat që ishin vendosur në qendër të Tiranës. Teksa ai e pa, që ajo nuk kishte mundësi ekonomike për të hipur në karusel, e mori dhe bashkë me të shijuan një xhiro.
Qytetari nga Kavaja
Kandidati i dytë është djali nga Kavaja që vendosi t’i hapte derën e shtëpisë Gabrielit, të riut që flinte në rrugët e Tiranës, pasi vuante nga probleme të shëndetit mendor. Ai ishte i vetëm, pasi nuk kishte familje dhe qytetari nga Kavaja vendosi që ta strehonte në banesën e tij.
I riu zemërgjerë
Kandidati i tretë, është i riu nga Tirana, i cili ndaloi makinën në mes të rrugës, në një kohë me shi dhe zbriti nga automjeti për t’i dhënë një palë këpucë dhe një xhup një të moshuare, që po lypte tek makinat, që kishin mbetur në trafik. Ai u kujdes personalisht që ajo t’i vishte ato që i dhuroi dhe më pas u largua.
Djali që ndihmoi të moshuarin
Kandidati i katërt, është një tjetër i ri, i cili po ashtu ndaloi makinën në rrugë për të ndihmuar një të moshuar që i ishte prishur biçikleta. Ai bëri aq sa mundi, që i moshuari të rregullonte biçikletën dhe më pas të largohej drejt banesës së tij.
Greis dhe Rakel
Në vendin e pestë kemi motër e vëlla, Greisin dhe Rakelin, dy të vegjëlit, që detyruan nënën e tyre të ndalonte makinën për t'i dhënë disa të holla një djali të mitur që po lypte në rrugë. I mituri kishte në krahë një fëmjë të vogël dhe kjo preku më shumë motër e vëlla. Ata i lëshuan disa të holla bashkëmoshatarit të tyre dhe më pas u larguan me të ëmën.
