Anëtarët e grupit Måneskin, fitues të Eurovizion u "martuan" në një ceremoni “katërshe” për të festuar publikimin e albumit të tyre të ri, "RUSH!"
Spotify organizoi festën e rokerëve italianë në Palazzo Brancaccio në Romë, Itali, në të cilën secili prej tyre deklaroi "besnikërinë e përjetshme ndaj njëri-tjetrit". Ceremonia u drejtua nga stilisti italian i modës Alessandro Michele, ndërsa Machine Gun Kelly, Baz Luhrmann dhe Paolo Sorrentino ishin mes të ftuarve të pranishëm në ‘dasmën’ e grupit.
‘RUSH!’, albumi i tretë i fituesve të Eurovizionit, doli dje dhe përmbante këngët ‘MAMMAMIA’, ‘Supermodel’, ‘The Loneliest’, ‘La Fine’ dhe bashkëpunimin e Tom Morello ‘Gossip’.
Grupi zbuloi disa nga detajet më të hershme rreth 'RUSH!' në një intervistë për NME's In Conversation, veçanërisht ndikimin që ata morën nga Radiohead.
David tha gjithashtu se Måneskin janë krenarë që njihen si "artistë Eurovizioni" dhe tha se shpresonin të merrnin pjesë në konkursin e këtij viti në Liverpool "nëse do jenë të lirë".
“Për ne, Eurovizioni nuk ishte kurrë qëllimi, ishte vetëm një mënyrë për të arritur qëllimet tona. Shumë artistë bëjnë gabime të mëdha kur shkojnë në këto shfaqje televizive me vetëm një këngë”, tha ai. “Ata krijojnë një imazh të tërë për shfaqjen televizive, kështu që kur të përfundojë, në thelb nuk kanë asgjë për të ndarë me fansat. Ishim me fat sepse kishim dy albume. Sapo mbaroi shfaqja, njerëzit mund të dëgjonin diçka dhe të shihnin se ne kishim tashmë pesë vjet karrierë dhe turne. Kjo ishte dera për ne.”
Ai shtoi: “Ne kurrë nuk kemi pasur frikë të jemi përgjithmonë ‘artistë Eurovizionit’. E dinim se do ta ndryshonte jetën tonë. Jemi të lumtur dhe do ta kujtojmë gjithmonë Eurovizionin si një nga hapat kryesorë të karrierës sonë”.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
Heroit të Muajit
KLIKO PËR TË VOTUAR
Djali tek Sheshi Skënderbej
I pari në listë është i riu, që në daljen e tij në sheshin Skënderbej, në fillim të vitit, vendosi që të gëzonte një vajzë të mitur, të pastrehë, që po shijonte vetëm nga jashtë lodrat që ishin vendosur në qendër të Tiranës. Teksa ai e pa, që ajo nuk kishte mundësi ekonomike për të hipur në karusel, e mori dhe bashkë me të shijuan një xhiro.
Qytetari nga Kavaja
Kandidati i dytë është djali nga Kavaja që vendosi t’i hapte derën e shtëpisë Gabrielit, të riut që flinte në rrugët e Tiranës, pasi vuante nga probleme të shëndetit mendor. Ai ishte i vetëm, pasi nuk kishte familje dhe qytetari nga Kavaja vendosi që ta strehonte në banesën e tij.
I riu zemërgjerë
Kandidati i tretë, është i riu nga Tirana, i cili ndaloi makinën në mes të rrugës, në një kohë me shi dhe zbriti nga automjeti për t’i dhënë një palë këpucë dhe një xhup një të moshuare, që po lypte tek makinat, që kishin mbetur në trafik. Ai u kujdes personalisht që ajo t’i vishte ato që i dhuroi dhe më pas u largua.
Djali që ndihmoi të moshuarin
Kandidati i katërt, është një tjetër i ri, i cili po ashtu ndaloi makinën në rrugë për të ndihmuar një të moshuar që i ishte prishur biçikleta. Ai bëri aq sa mundi, që i moshuari të rregullonte biçikletën dhe më pas të largohej drejt banesës së tij.
Greis dhe Rakel
Në vendin e pestë kemi motër e vëlla, Greisin dhe Rakelin, dy të vegjëlit, që detyruan nënën e tyre të ndalonte makinën për t'i dhënë disa të holla një djali të mitur që po lypte në rrugë. I mituri kishte në krahë një fëmjë të vogël dhe kjo preku më shumë motër e vëlla. Ata i lëshuan disa të holla bashkëmoshatarit të tyre dhe më pas u larguan me të ëmën.
