Pamundësia për të blerë një shtëpi, 63% e shqiptarëve jetojnë me prindërit

Shkruar nga: A Koci | Publikuar më: 21.01.2023, 10:37

Shqiptarët janë ndër popujt më të varfër të Europës. Në tre dekada demokraci, politikanët kanë shfrytëzuar çdo resurs natyror e nëntokësor në mënyrë abuzive duke u pasuruar vetë e duke mos i shërbyer shqiptarëve. Kjo tregohet nga numri i lartë i emigrimit, ku shqiptarët duan të ndërtojnë të ardhmen e tyre jashtë kufijve.

Ndërkohë, shqiptarët e mbetur këtu jetojnë me pridërit duke mos pasur mundësi për blerjen e një apartamenti. Rreth 63% e shqiptarëve sipas një raporti nga 'Landgeist' jetojnë me prindërit në të njëjtën çati.

Kushtet e vështira ekonmike dhe çmimet e larta të apartamenteve janë shkaqet kryesore që shqiptarët të mos blejnë dot një banesë. Në Tiranë një apartament kushton mesatarisht 100 mijë euro, aq sa shqiptarëve do t'u duhet të punojnë dy jetë për ta blerë një banesë.

Në raportin e 'Landgeist', Mali i Zi renditet në vendin e parë me 68% të qytetarëve që jetojnë me prindërit. Më pas renditet Bosnja me 65%, Shqipëria e Kosova me 63% dhe Maqedonia me 61%. Ndërkohë vendi ku banorët jetojnë më pak me prindërit është Danimarka me 3% të popullësisë.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit