28-vjeçaren shqiptare e përplasin me motor dhe e grabisin në mes të rrugës

Shkruar nga: A Shehaj | Publikuar më: 20.01.2023, 21:22

Një 28-vjeçare shqiptare është përplasur nga një motor pasditen e djeshme në Itali.

Por sikur të mos mjaftonte kjo, drejtuesi i motorit pasi ka përplasur të renë i ka vjedhur asaj çantën.

Aksidenti ka ndodhur rreth orës 16:30 në viale della Liberazione, rruga që të çon nga Porta Nuova në stacionin Garibaldi. 28-vjeçarja po kalonte rrugën në vendkalimin e këmbësorëve me biçikletë, kur dyshohet se u godit nga një burrë me motor, i cili e rrëzoi përtokë. Në atë moment, drejtuesi i motorit, iu afrua asaj, i rrëmbeu çantën me dy telefona dhe një portofol brenda dhe më pas u arratis.

Fatmirësisht e reja shqiptare nuk është lënduar dhe u ka treguar policëve se çfarë i kishte ndodhur. Disa dëshmitarë treguan se grabitësi e goditi dhe u largua me vrap nëpërmjet Melchiorre Gioia.

Për të identifikuar autorin, policia ka marrë pamjet e kamereve të bizneseve në rrugë.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit