PËRDITËSIM/ ora 22:50: Çështja u zgjidh, i riu shkoi dhe dorëzoi paratë tek punonjësi i karburantit duke i kërkuar ndjesë.
Artikulli denoncues:
Çmimet e rritura të karburanteve dhe jo vetëm po i shtyjnë shqiptarët drejt vjedhjes dhe mashtrimit.
Një rast i tillë ka ndodhur pak ditë më parë në zonën e Bërzhitës në Tiranë.
Një qytetar, punonjës i një pike karburanti thotë se është mashtruar nga një klient. Sipas tij, klienti pasi ka mbushur makinën me karburant, i ka thënë punonjësit se nuk ka lekë dhe në këmbim i ka lënë pasaportën si garanci.
Punonjësi duke i besuar fjalët e klientit dhe duke i marrë ato si të vërteta ka mbajtur pasaportën në formën e garancisë. Por kur kanë kaluar 10 ditë që nga kjo ngjarje, klienti nuk është paraqitur më në karburant për të bërë pagesën dhe marrë mbrapsht pasaportën e tij.
I gjendur përballë kësaj situate dhe pamundësisë për të paguar vetë, punonjësi i karburantit i bën thirrje klientit “mashtrues” që të shkojë të bëjë pagesën sa më shpejt të jetë e mundur.
Mesazhi i qytetarit;
pshnd joq punoj ne nje karburant dhe nje mashtrus skishte lek dhe me la pasaporten tlutem nje shere se jam hallexhi skam takat tpaguj borxhet e te tjerve
palmanova berzhite, ka ja 10 dit po me mendimin qe do vije, po paska shume mashtrusa. tlutem ma bej kete ndere
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
Heroit të Muajit
KLIKO PËR TË VOTUAR
Djali tek Sheshi Skënderbej
I pari në listë është i riu, që në daljen e tij në sheshin Skënderbej, në fillim të vitit, vendosi që të gëzonte një vajzë të mitur, të pastrehë, që po shijonte vetëm nga jashtë lodrat që ishin vendosur në qendër të Tiranës. Teksa ai e pa, që ajo nuk kishte mundësi ekonomike për të hipur në karusel, e mori dhe bashkë me të shijuan një xhiro.
Qytetari nga Kavaja
Kandidati i dytë është djali nga Kavaja që vendosi t’i hapte derën e shtëpisë Gabrielit, të riut që flinte në rrugët e Tiranës, pasi vuante nga probleme të shëndetit mendor. Ai ishte i vetëm, pasi nuk kishte familje dhe qytetari nga Kavaja vendosi që ta strehonte në banesën e tij.
I riu zemërgjerë
Kandidati i tretë, është i riu nga Tirana, i cili ndaloi makinën në mes të rrugës, në një kohë me shi dhe zbriti nga automjeti për t’i dhënë një palë këpucë dhe një xhup një të moshuare, që po lypte tek makinat, që kishin mbetur në trafik. Ai u kujdes personalisht që ajo t’i vishte ato që i dhuroi dhe më pas u largua.
Djali që ndihmoi të moshuarin
Kandidati i katërt, është një tjetër i ri, i cili po ashtu ndaloi makinën në rrugë për të ndihmuar një të moshuar që i ishte prishur biçikleta. Ai bëri aq sa mundi, që i moshuari të rregullonte biçikletën dhe më pas të largohej drejt banesës së tij.
Greis dhe Rakel
Në vendin e pestë kemi motër e vëlla, Greisin dhe Rakelin, dy të vegjëlit, që detyruan nënën e tyre të ndalonte makinën për t'i dhënë disa të holla një djali të mitur që po lypte në rrugë. I mituri kishte në krahë një fëmjë të vogël dhe kjo preku më shumë motër e vëlla. Ata i lëshuan disa të holla bashkëmoshatarit të tyre dhe më pas u larguan me të ëmën.
