Dy apartamente dhe 3000 m2 vresht në emër të bashkëshortit, zbulohen pasuritë e pastrueses hajdute

Shkruar nga: A Shehaj | Publikuar më: 17.01.2023, 23:05

Pastruesja Rozeta Dobi dhe djali i saj Havier Dobi janë arrestuar dhe lënë në burg pasi kanë vjedhur më shumë se 500 mijë(para dhe sende me vlerë) në shtëpinë e punëdhënëses së saj Alda Klosi.

Kjo e fundit ka deklaruar se Rozeta i ka vjedhur vetëm 120 mijë euro por ende nuk dihet se të kujt janë pjesa tjetër e parave të gjetura në shtëpinë e pastrueses.

Prokuroria e Tiranës po heton pasurinë e Alda Klosit, dikur drejtoreshë e ish.zv kryeministrit Arben Ahmetaj, por edhe të Rozeta Dobit.

Pastruesja ka në emrin e bashkëshortit Spartak Dobi dhe të birit 4 pasuri të paluajtshme dhe të luajtshme. Spartak Dobi është bashkëpronar i dy apartamenteve në Tiranë, me sipërfaqe 57 m2 dhe 61 m2, fituar në vitin 2013. Vlera e apartamentit 61 m2 vlen 3 500 000 lekë.

Por përveç kësaj në vitin 2018, Dobi është bërë pronar i 3 mijë m2 vresht në periferi të Tiranës, blerë për 12 milionë lekë të vjetra.

Në emrin e të birit Havier Dobi rezulton vetëm një makinë Mercedez Benz i tipit “E 550 4MATIC UF9”, ngjyrë e zezë Benzinë + Gaz. Makina është blerë në dhjetor 2022, gjatë periudhës kur Rozeta Dobi kishte vjedhur paratë në shtëpinë e Alda Klosit.

Duke marrë parasysh krijimin e pasurive, duket se vetëm makina e Havier Dobit është blerë me paratë e vjedhura.

Rozeta Dobi punonte që në vitin 2010 që si pastruese. Ndërkohë që bashkëshorti i saj Spartak Dobi ka deklaruar se ka marrë para dëmshpërblim si i ish persekutuar politik.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit