“Mund të ishte gjallë”/ Zbardhet raporti i Avokatit të Popullit për Lear Kurtin: Shoqërimi i tij i paligjshëm

Shkruar nga: A Koci | Publikuar më: 17.01.2023, 16:04

Lear Kurti, 31-vjeçari që vdiq më datë 19 tetor 2022, mund të ishte gjallë. I riu humbi jetën në gjatë shoqërimit që po i bënin në komisariat efektivët e policisë. Shkak për shoqërimin e tij u bë dyshimi i punonjësve të policisë që e panë Lear Kurtin të lëvizte në orët e natës.

Ata kërkuan që ai të ndalonte, duke e ndjekur nga pas me vrap. Në momentin që e arrestuan, i riu humbi ndjenjat dhe mbërriti pa shenja jete në spital. Sipas konstatimit të raportit mjeko-ligjor, dyshohet se i riu humbi jetën nga mbidoza, duke gëlltitur dy qese kokainë gjatë ndjekjes nga policia.

Sipas një raporti që Avokati i Popullit ka kryer për këtë rast, rezulton se vendimi për të ndaluar Lear Kurtin nga efektivët e policisë është i padrejtë. Në raport theksohet se askush nuk mund të ndalohet mbi bazën e dyshimeve. Të njejtin fat pati edhe Klodian Rasha, i cili u ndoq nga efektivët e policisë vetëm se kishte thyer karantinën, duke u përleshur e duke e vrarë nga punonjësi Nevaldo Hajdaraj.

"Duke mbajtur në konsideratë natyrën e çështjes, në raste të tilla shërbimet e policisë, mund ta parandalonin këtë ngjarje, në kushtet e veprimeve apo mosveprimeve që përfaqësuesit e rendit publik kishin si detyrim të kryenin. Nisur nga këto deklarime si dhe duke iu referuar nenit 109 të ligjit të sipërcituar, rezulton se punonjësit e policisë kanë vepruar në kundërshtim me dispozitën e mësipërme, sepse nuk mund të bëhet shoqërimi i një personi duke u mbështetur vetëm në dyshime të pa arsyeshme." – thueht ndër të tjera në raport.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Heroit të Muajit
KLIKO PËR TË VOTUAR
  • Djali tek Sheshi Skënderbej
    I pari në listë është i riu, që në daljen e tij në sheshin Skënderbej, në fillim të vitit, vendosi që të gëzonte një vajzë të mitur, të pastrehë, që po shijonte vetëm nga jashtë lodrat që ishin vendosur në qendër të Tiranës. Teksa ai e pa, që ajo nuk kishte mundësi ekonomike për të hipur në karusel, e mori dhe bashkë me të shijuan një xhiro.
    Qytetari nga Kavaja
    Kandidati i dytë është djali nga Kavaja që vendosi t’i hapte derën e shtëpisë Gabrielit, të riut që flinte në rrugët e Tiranës, pasi vuante nga probleme të shëndetit mendor. Ai ishte i vetëm, pasi nuk kishte familje dhe qytetari nga Kavaja vendosi që ta strehonte në banesën e tij.
    I riu zemërgjerë
    Kandidati i tretë, është i riu nga Tirana, i cili ndaloi makinën në mes të rrugës, në një kohë me shi dhe zbriti nga automjeti për t’i dhënë një palë këpucë dhe një xhup një të moshuare, që po lypte tek makinat, që kishin mbetur në trafik. Ai u kujdes personalisht që ajo t’i vishte ato që i dhuroi dhe më pas u largua.
    Djali që ndihmoi të moshuarin
    Kandidati i katërt, është një tjetër i ri, i cili po ashtu ndaloi makinën në rrugë për të ndihmuar një të moshuar që i ishte prishur biçikleta. Ai bëri aq sa mundi, që i moshuari të rregullonte biçikletën dhe më pas të largohej drejt banesës së tij.
    Greis dhe Rakel
    Në vendin e pestë kemi motër e vëlla, Greisin dhe Rakelin, dy të vegjëlit, që detyruan nënën e tyre të ndalonte makinën për t'i dhënë disa të holla një djali të mitur që po lypte në rrugë. I mituri kishte në krahë një fëmjë të vogël dhe kjo preku më shumë motër e vëlla. Ata i lëshuan disa të holla bashkëmoshatarit të tyre dhe më pas u larguan me të ëmën.
Më të Lexuarat
Shkarkoni aplikacionin JOQ ALBANIA në platformat
Më të fundit