Ende nuk ka një reagim nga Ministria e Jashtme në lidhje me dhunën e ushtruar nga policia malazeze kundrejt një familjeje shqiptare. Edhe ditën e djeshme, JOQ publikoi pamje të rënda se si profesori i njohur Petraq Milo, djali i tij dhe bashkëshortja tërhiqeshin zvarrë nga efektivët në doganën e Muriqanit.
Ministrja Olta Xhaçka duket e pafuqishme për një reagim dinjitoz dhe për të mbrojtur popullin e saj.
Mesa duket ajo është vetëm e shqetësuar për pronat e bashkëshortit të saj në bregdet. Në lidhje me këtë çështje ajo del në foltoren e Parlamentit dhe çirret me të madhe, ndërsa për shqiptarët e dhunuar nuk e vret mendjen aspak.
Burime për JOQ bënë me dije se dhuna ndaj profesorit dhe familjes së tij ishte e pakuptimtë, pasi ata respektuan të gjitha rregullat e radhës dhe nuk pati kundërshtim të forcave policore. JOQ identifikoi gjithashtu edhe një nga policët dhunues.
