Gjatë mëngjesit të sotëm është regjistruar një ngjarje në Fier. Një makinë është përplasur me parmakët e hekurt të urës së Mbrostarit, teksa ende nuk dihet nëse mjeti është larguar apo ka rënë në lumë. Nuk dihet nëse nga aksidenti ka persona të lënduar, teksa parmakët e hekurt të urës janë shkatërruar e një pjesë e tyre ka rënë në ujërat e lumit Seman. Ende nuk dihet shkaku i aksidentit, ndërkohë që në vendngjarje ka shkuar policia e cila po punon për zbardhjen e ngjarjes. Pranë vendit të ngjarjes është gjetur një targë automjeti e po mundësohet kontakti me drejtuesin e automjetit që i përket, telefoni i të cilit rezulton i fikur.
