Një 64-vjeçar shqiptar është arrestuar në Greqi pasi ka tërhequr zvarrë me zinxhir një qen.
Në mediat greke thuhet se abuzimi me kafshën ka ndodhur pasditen e sotme në Patra. 64-vjeçari shqiptar, drejtuesi i makinës, ka tërhequr zvarrë me zinxhir një qen në zonën e Rios.
Shqiptari mbante zinxhirin nga dritarja e mjetit, duke tërhequr qenin dhe për pasojë katërkëmbëshi është plagosur në këmbë.
Kalimtarët kanë lajmëruar Policinë dhe menjëherë ka pasur mobilizim. Policia arriti ta lokalizojë dhe arrestojë shqiptarin. Qeni u mor nga një vullnetar për t'u ekzaminuar nga një veteriner dhe për t'i trajtuar plagët e tij.
