Një pronar i një galerie arti është bërë personazhi i momentit në rrjetet sociale pas një videoje virale të tij duke lagur me zorrë uji një grua të pastrehë të ulur në trotuar.
Collier Gwin, pronari i Galerisë Foster Gwin në San Francisco, pretendoi se gruaja e pastrehë ishte "e dhunshme" dhe këmbënguli se në lagje kishin provuar ta ndihmonin, kur u përball me një valë komentuesish të irrituar në rrjetet sociale.
Gwin u filmua i mbështetur në portën e një restoranti lokal duke lagur një grua të pastrehë të ulur përballë tij në trotuar.
E pastreha e bezdisur nga veprimi po bërtiste dhe i bëri shenjë disa herë të ndalonte. Pasi e lagu për disa sekonda, Gwin iu afrua më shumë, tregoi me gisht nga rruga dhe i tha: "Lëviz! Lëviz! Lëviz! Në rregull?"
Videoja mori miliona shikime dhe nxiti zemërim për veprimet e Gwin-it në rrjet.
View this post on Instagram