Elon Musk e ka nisur vitin 2023 duke thyer një rekord botëror por kjo jo për mirë.
CEO i Tesla-s dhe Twitter-it ka humbur aq shumë para nga pasuria e tij vitin e fundit, saqë Rekordet Botërore Guinness i kanë dhënë një çmim për këtë. Ai ka thyer zyrtarisht rekordin botëror për "humbjen më të madhe të pasurisë personale në histori", tha organizata në një deklaratë për shtyp të premten.
Kohët e fundit, Forbes vlerësoi se pasuria neto e Musk kishte rënë me 183 miliardë dollarë në pak më shumë se një vit.
Pasuria neto e Musk arriti kulmin në nëntor 2021 , kur arriti në 340 miliardë dollarë, sipas vlerësimeve të Bloomberg. Por aksionet e Tesla, përgjegjëse për pjesën më të madhe të pasurisë së Musk, pësuan rënie të lirë vitin e kaluar, duke rënë me 65% në 2022. Rënia e tyre drastike u shpejtua pasi Musk bleu Twitter në tetor. nSi rezultat, Musk nuk është më njeriu më i pasur në botë , duke humbur titullin ndaj Bernard Arnault , kreut të kompanisë franceze që zotëron Louis Vuitton. Sot, Musk vlen 144.4 miliardë dollarë, sipas vlerësimeve të fundit të Forbes .
Përpara Musk, rekordi i mëparshëm për pasurinë personale të humbur u vendos nga themeluesi dhe CEO i Softbank Masayoshi Son në vitin 2000.
