Rozeta Dobi dhe djali i saj, Havier, janë arrestuar, teksa akuzohen se kanë vjedhur shuma të mëdha parash dhe bizhuteri, me vlerë deri në 120 mijë euro në banesën e ish-shefes së kabinetit të ish-zv. kryeministrit Arben Ahmetaj. Shtëpia e ish-shefes Alda Klosi, ndodhet në “Rrugën e Kosovarëve”, ndërsa në momentin e vjedhjes, Klosi nuk ndodhej në banesë pasi kishte udhëtuar jashtë shtetit.
Ndërkohë mësohet se Havier Dobi i ka dërguar një letër të dashurës së tij nga ambientet e paraburgimit. 23-vjeçari i ka kërkuar të dashurës së tij, që e thërret me përkëdheli “nuçja”, që të bëjë durim sepse në burg do të rrijë dy muaj dhe më pas do të lirohet.