Një plagosje ka ndodhur në Delvinë, ku një 59- vjeçar ka mbërritur i plagosur në Spitalin e Sarandës ditën e sotme. Policia njofton se personi i identifikuar me iniciale M. H., dyshohet se është vetë-plagosur me armë gjahu në banesën e tij, në fshatin Bamatat, Delvinë.
Policia Delvinë
Informacion paraprak. Sot, rreth orës 12:30, është paraqitur në Spitalin e Sarandës, për ndihmë mjekësore shtetasi M. H., 59 vjeç, i cili dyshohet se është vetë-plagosur me armë gjahu në banesën e tij, në fshatin Bamatat, Delvinë. Grupi hetimor po punon për sqarimin e plotë të rrethanave të ngjarjes.