Katër shtetas shqiptarë që ishin shpallur në kërkim nga autoritetet britanike janë arrestuar në shtete të ndryshme në BE.
Në Itali, Gjermani dhe Belgjikë janë arrestuar katër shqiptarët e shpallur në kërkim ndërkombëtar për trafik të lëndëve narkotike nga autoritetet angleze.
Në Itali janë ndaluar dy shqiptarët me inicialet M.H dhe L.V. Ndërkohë në një aeroport të Gjermanisë është arrestuar shqiptari me inicialet K.M, pasi po përpiqej të udhëtonte drejt një tjetër shteti të Bashkimit Evropian. Nga ana tjetër në Belgjikë u ndalua shqiptari i katërt me inicialet A.B.
Shtetasit shqiptarë dyshohet së në bashkëpunim me njëri-tjetrin kanë patur rol aktiv në trafikun e drogës mes Anglisë dhe vendeve të BE-së.