Një papagall ka trembur një bandë hajdutësh me britmat e tij të tmerrshme.
Papagalli i quajtur Versace nga Melburni në Australi falë zërit dhe britmave të tij ka shpëtuar shtëpinë ku jeton nga grabitja e hajdutëve. Ndërsa sulmuesit thyen një dritare në përpjekje për të hyrë në shtëpinë e familjes, papagalli në kafaz nisi të bërtasë.
Britmat e heroit me krahë ishin mjaft të forta për t'i trembur hajdutët dhe për t'i bërē ata të largoheshin me shpejtësi nga vendi i ngjarjes.
Pronarët e papagallit ishin jashtë për natën e Vitit të Ri dhe ishte hera e parë që ata e kishin lënë vetëm papagallin Versace. Kur erdhën në shtëpi dhe panë dritaren e thyer, kontrolluan kamerat e sigurisë dhe panë që Versace ishte heroi i tyre.
Të gjithë ngjarjen ata e kishin kapur edhe në një kamera sigurie në dhomën e tyre të ndenjjes.