Një shtetas italian ka humbur jetën mbrëmjen e kësaj të premte në qytetin e Vlorës. Daniele Amurro kishte gati një vit që jetonte me familjen në fshatin Cerkovinë, në një banesë me qera, nga ku dyshohet se është vetëhedhur. Shtetasi italian i moshës 55 vjeç ka ndërruar jetë në vend, teksa nuk bëhet me dije arsyeja e aktit ekstrem.
Vlorë/Informacion paraprak
Sot, rreth orës 18:00, në fshatin Cerkovinë, Vlorë, dyshohet se është vetëhedhur nga kati i tretë i banesës ku banonte, shtetasi italian D. A., rreth 55 vjeç, i cili si pasojë ka ndërruar jetë.
Grupi hetimor po punon për sqarimin e plotë të rrethanave të ngjarjes.
