Një plagosje me armë zjarri ka ndodhur në Bajram Curr, të Tropojës.
Sipas informacioneve paraprake ngjarja ka ndodhur në një lokal dhe i plagosur ka mbetur një 60-vjeçar. Ky i fundit ka marrë një plagë në këmbë dhe fatmirësisht është jashtë rrezikut për jetën.
Detajet e para flasin se plagosja ka ardhur si pasojë e një sherri, që ka ndodhur mes të plagosurit dhe disa personave të tjerë që kanë qenë të gjithë nën efektin e alkoolit.
Policia ka shkuar në vendin e ngjarjes dhe është duke punuar për zbardhjen e plotë të rrethanave të saj.