Personi në foto është Andrea Bode, 44-vjeçari nga Berati. Ky i fundit dyshohet se ka pasur rolin e qitësit në vrasjen e Edmond Papës te Komuna e Parisit në Tiranë. Sipas mediave pas krimit, ai është larguar nga vendi i ngjarjes,ndërsa ka dyshime se mund të jetë larguar jashtë vendit ilegalisht, pasi në sistemin TIMS nuk figuron që të ketë dalë në ndonjë nga pikat e kalimit kufitar.
Papa mbeti i vdekur pas të shtënave me armë zjarri në një lokal të Tiranës, teksa ka disa prona në zonën e Ksamilit në Sarandë. Viktima u qëllua me armë 6-7 herë ndërsa me urgjencë u dërgua në spitalin e Traumës, por për fat të keq, nuk u mbijetoi plagëve dhe ndërroi jetë në spital.
Bëhet e ditur nga mediat se Bode është biznesmen dhe ka një kompani në Korçë, të hapur në vitin 2020 e cila merret me import dhe eksport, tregtim me shumicë dhe me pakicë të ujit të pijshëm, depozitimin dhe transportin e ujit të pijshëm dhe pijeve të tjera joalkoolike.
