Shqiptarja Shqiponja Ahmetaj nga Elbasani është zgjedhur shkencëtarja më e re e suksesshme në Austri. Vajza ka fituar çmimin “Hedy Lamarr Prize” duke u cilësuar si shkencëtarja e vitit. Shqiponja u largua nga Elbasani, kur ishte 18 vjeç dhe vazhdoi studimet në Shën Petersburg. Pasi përfundoi studimet Bachelor në Rusi, shqiptarja fitoi një bursë nga Komisioni Evropian për programin “European Master’s Program in Computational Logic“ (EMCL).
Në vitin 2011, Shqiponja bijë e dy intelektualëve elbasanas, Mejreme dhe Shemun Ahmetaj, nisi studimet Master në Universitetin Teknik ne Dresden të Gjermanisë, teksa semestrin e dytë e përfundoi në Free University of Bolzano të Italisë. Ndërsa, vitin e dytë të studimeve, Shqiponja zgjodhi të shkojë në Vjenë, ku vazhdon të vijojë studimet e pos-doktoratës.
